Гэртээ талх хийх арга

·       Гурил-500 грамм /ямар ч гурил байж болно/

·       Масло-100 грамм

·       Элсэн чихэр-50-100 грамм

·       Ус-150-200грамм

·       Өндөг- 1 ширхэг

·       Өсгөгч- 15 грамм /нэг ширхэг данболи/

·       Давс

Хийх арга:

Бүлээн усанд өсгөгч, давс, элсэн чихэр, масло, өндгөө хийн сайтар хутгаад гурилаа зуурна. Хамгийн гол нь усаа хэт халааж, хөргөж болохгүй шүү. Сайтар нухаад 15-20 минут амраана. Амарсан гурилаа ахин нухаж тосолсон ширмэн саванд хийж дулаан газар хөөлгөнө. Ингээд зуурмагаа зуухныхаа/плитька/ дунд хэм дээр 10 минут болгоод галыг нь багасгаж ахин 15 минут жигнэнэ. Үүний дараа талхаа савнаасаа салгаж нөгөө талаар нь адил хэмд жигнэнэ.

Эзэгтэйн шивнээ

Шарах шүүгээ ахуйн хэрэглээний цахилгаан бараан дотроос хамгийн цахилгаан иддэг нь гэдгийг та мэднэ биз дээ. Тэгвэл та гэрийн зуухан дээрээ л талх барьж болно. Энэ бол ердөө ч хэцүү биш. Таны гал тогоонд шинэ талхны анхилуун үнэр хан хийнэ.