Жирэмсэн эхчүүд ээ, “айн” гэдээ
Гэнэт л жирэмсэн болсноо мэдээд яахаа мэдэхгүй сандарч байна уу? Ямартай ч emegteichuud.mn нь та бүхэндээ жирэмсний үед анхаарах зарим зүйлсийг дуулгая.
-Та жирэмсэн болсон л бол архи дарс уух, тамхи татахыг цээрлэвэл зохино. Уудаг л юм бол эргүү тэнэг, эрэмдэг зэрэмдэг хүүхэдтэй болно гэдийг битгий мартаарай
-Олс дээс томох, сүлжих, нэхэх нь онцгүй гэнэ шүү. Учир нь төрөх үед хүүхдийн хүй орооцолдоно, хүзүүг нь орооно гэж үздэг.
-Хүн юм өгөх, үүрэхийг цээрлэнэ. Үл хэрэгсвээл зулбана гэм болно гэж ардын домогт байдаг юм.
-Жирэмсэн эмэгтэйг айлгах, цочоох, санаа сэтгэлийг нь донсолгохыг цээрлэнэ. Үгүй бол үр зулбах, хүүхэд дутуу төрөх, сараа гүйцээн төрсөн хүүхэд нь цочимтгой, өвчин ээрэмтгий болно.
-Тулгар эмэгтэйг хатуу үйлд оролцуулахыг цээрлээрэй. Эс хэрэгсвээс дутуу төрнө.
-Жирэмсэн эмэгтэйн урдуур хөндлөн гарахыг цээрлэнэ. Тийнхүү цээрлэдэг нь бие давхар хүнийг эх хүн гэж хүндэтгэж буйн зэрэгцээ хорвоод мэндлэх шинэ хүний замд саад тотгор учрах ёсгүй гэснийх болой.
-Бас түүнийг горьдоох гомдоохыг цээрлэдэг. Ганц хүнийг бус эх, үр хоёрыг давхар горьдоож, гомдоож байгаа нүгэл юм.
-Жирэмсэн байхдаа тэмээ унах хэрэггүй. Учир нь хүүхэд тээх хугацаа сунаж 12 сар болно гэнэ.
-Жирэмсэн эмэгтэйд гар хүрэх, зодохыг цээрлэдэг нь эх үр хоёрыг зодож зовоосон ялд унана.
-Жирэмсэн эмэгтэй нар сар хиртэж буйг харахыг цээрлэнэ. Үл хэрэгсвээс насан туршийн өвчин эмгэг олно.
-Жирэмсэн байхдаа сармис чинжүү идэхийг цээрлэнэ. Идвээс хүүхдийн нүдний хараанд сөргөөр нөлөөлнө.
-Тулгар эмэгтэй хурьцал үйлдэхийг цээрлэнэ. Зөрчвөөс үр зулбана, хүүхэд дутуу төрнө.
Манай сайт танд таалагдаж байвал LIKE хийгээрэй. Танд баярлалаа
