Өглөөний ундны жор: Сүүтэй будаа

 600 мл сүү

1/3 стакан будаа

1/8 амттаны халбага давс

1/4 стакан нунтаг цагаан сахар

1 амттаны халбага ваниллины охь

1/4 амттаны халбага нунтаг синнамон

1/4 стакан үзэм (хүсвэл)

Хийх арга: 

1. Дунд зэргийн саванд угааж бэлтгэсэн будаа, сүү, давсаа хийнэ. Ширүүн гал дээр тавиж буцалгана. Галаа багасгаад зөөлөн гал дээр будааг зөөлөртөл 20-25 минут буцалгана. Буцалгах зуураа хааяа хааяа модон халбагаар хутгаж байх хэрэгтэй. 

2. Сахар. ваниллины охь, нунтаг синнамоноо нэмээд өтгөртөл нь (5-10 минут) дахиж буцалгана. Бэлэн болсон будаан дээрээ үзэмээ нэмж нийлүүлэн хутгаад аягалахад тохиромжтой. 

Зөвөлгөө 

Будаагаа чанаж эхэлхээсээ өмнө 30 орчим минут дэвтээвэл будаа маань илүү хурдан болно. 

Ийм маягаар бэлтгэсэн амттан дэлхий даяар тархсан байдаг аж. Ингэж тив дамжин тархахад нь Монголчууд ихээхэн үүрэг гүйцэтгэсэн аж. 13 дугаар зууны үед Персүүдэд, 14 дүгээр зууны үед Энэтхэгүүдэд сүүтэй будааг Монголчууд танилцуулж, дэлгэрүүлж байжээ гээд бодохоор сүүтэй будаа маань 13 дугаар зуун магадгүй түүнээс эртний түүхтэй ажээ.