•    Эхийн сүү нь хүүхдийн биед шаардлагатай уураг, тос, нүүрс ус, эрдэс бодис, аминдэмүүдийг хамгийн зохистой харьцаагаар агуулж байдгаас гадна бактери, нян, мөөгөнцрийг устгах хүчтэй эсрэг биетүүдийг агуулснаараа хүүхдийг өвчнөөс сэргийлж, өсөлт, хөгжилт, хөдөлгөөн, хоол боловсруулахад зарцуулагдах илчлэгийг нөхөж байдаг.

Хүүхдийг эхийн сүүгээр хооллох нь зөвхөн хүүхдэд төдийгүй хүүхдээ хөхүүлж байгаа эхийн дархлаа сайжирна, умай сайн агшина, жирэмслэлт хоорондын зай уртасна, хөхний хавдар болон бусад эмэгтэйчүүдийн өвчлөл бага байдаг давуу талтай.

Гүйлгэх, өтгөн хатах, харшил өгөх зэрэг гаж нөлөөгүй, нялхсын эрхтэн тогтолцооны хөгжилд чухал нөлөө бүхий уураг, тослог, аминдэм, төмөр агуулдаг, дандаа шинэхэн, халуун хүйтэн нь тохирсон, орчны халуунд шингэрч, хүйтэнд илчлэг чанар нь нэмэгддэг, өөр ямар ч сүүний найрлагад байхгүй халдварт өвчин эсэргүүцэгч бодис агуулдаг.

Хүүхдийг эхийн сүүгээр тэжээх үйл явц болон таргалалт гэх мэт халдварт бус өвчний хоорондох холбоог илүүтэй судлах болжээ. ДЭМБ-аас гаргасан олон төвт судалгааны дүнгээс харахад зургаан сар болон түүнээс дээш хугацаагаар эхийн сүүгээр хооллосон хүүхдүүд цааш цаашдаа өөхөлж таргалах нь зохиомол сүүгээр хооллосон хүүхдүүдийг бодвол бага байдаг байна.

•    Шведийн Хавдар судлалын үндэсний институтын мэргэжилтэн Девид Соломон Сванборгийн гайхамшигтай нээлтийн ачаар “Хүн төрөлхтөн бид аймшигт хавдрын эсрэг тэмцэх бас нэгэн аргыг олжээ. Үүний дүнд үхэл таригч өвчин хорогдох боломж бүрдэж, эхчүүд үр хүүхдээ хөхөөрөө өсгөх нь нэмэгдсэн нь хамгийн гол ололт мөн” гэжээ. Дээрх нээлттэй холбогдуулан Америкийн Pediatri академиас эхчүүдэд хандан доорх зөвлөмжийг гаргасан байна.

 -Шинэ төрсөн болон өвчтэй хүүхдийн хувьд хамгийн шаардлагатай хоол нь эхийн сүү болно.
-Хүүхэд төрснөөс хойш хоёр цагийн дотор эхийн сүүгээр амлах хэрэгтэй.
- Хүүхдийг наад зах нь зургаан сар хүртэл хөхөөр хоолловол дараа дараагийн өсөлт хөгжилтөд сайнаар нөлөөлнө.
- Аль болох угжаар хооллохгүй байх нь чухал.