Дэлхийн хамгийн өндөр орлоготой загвар өмсөгчид

Forbes сэтгүүл дэлхийн хамгийн өндөр орлоготой загвар өмсөгчдийн жагсаалтыг гаргажээ. Топ 10 загвар өмсөгчийн чансааг Бразилийн загвар өмсөгч Жизель Бундхен эзлэсэн байна.

1. Жизель Бундхен -42 сая доллар

 Тэрээр нэг жилийн дотор 42 сая долларын орлого олсон аж. Түүний жилийн орлого бусад хүүхнүүдийнхээс хэд дахин их байсны сацуу нөхрийнх нь олсон мөнгөнөөс давж гарсан байна. Түүний нөхөр, Америкийн хөлбөмбөгчин Том Брэди нэг жилийн хугацаанд 38.3 сая долларын орлоготой ажиллажээ. 33 настай загвар өмсөгч бүсгүй эх орондоо дэндүү их ажлын санал хүлээж авч байгаа тул ийм хэмжээний орлого олсон гэнэ.

2. Миранда Керр-7.2 сая доллар

Жагсаалтын хоёрдугаарт жүжигчин Орландо Блумын австрали эхнэр Миранда Керр бичигдэв. Тэрээр нэг жилийн дотор 7.2 сая доллараар хэтэвчээ зузаалжээ. Өнгөрсөн жил тэрээр чансааны долоодугаарт бичигдэж байсан хэдий ч түүнийг зар сурталчилгаандаа тоглуулахыг хүсэгчдийн сонирхол өнгөрсөн жилийн дотор эрс нэмэгдсэн байна. Керр бүсгүй дотуур хувцас үйлдвэрлэгч Victoria’s Secret брэндтэй хамтарч ажилласан хэвээр байгаа бөгөөд түүний сахиусан тэнгэрүүдийн нэг билээ.

3. Адриана Лима-6 сая доллар

 Жилийн дотор зургаан сая доллар олсон бразил бүсгүй Адриана Лима хамгийн өндөр орлоготой загвар өмсөгчдийн гуравдугаарт бичигдэв. Тэрээр 2000 оноос хойш Victoria’s Secret компанитай хамтарч ажиллаж байгаа бөгөөд гол нүүр царай нь хэвээр байгаа юм.

4. Кэйт Мосс-5.7 сая доллар

5. Лю Вэнь-4.3 сая доллар

6. Хиллари Рода-4 сая доллар

7. Кэролин Мөрфи-3.6 сая доллар

8. Жоан Смоллс-3.5 сая доллар

9. Кэндис Свейнпол-3.3 сая доллар

10. Лара Стоун-3.2 сая доллар