2013 оны хамгийн сайхан 20 эмэгтэй

Дэлхий нийтийн дунд нэр хүндтэй askmen.com сайтаас энэ оны хамгийн нөлөө бүхий, үзэсгэлэн төгс бүсгүйчүүдийг нэрлэжээ. Тэдгээрээс эхний 18-н байрыг эзэлсэн бүсгүйчүүдийг танилцуулж байна.
1.       Жүжигчин Jennifer Lawrence
Өдгөө 23 настай авьяаслаг жүжигчин бүсгүй сүүлийн жилүүдэд хэд хэдэн кинонд гол дүрийг бүтээснээрээ дэлхий нийтийн эрчүүдийн анхаарлын төвд байж чаджээ. Өвөрмөц харцтай энэхүү бүсгүйг эрчүүдийн дунд явуулдаг нээлттэй санал асуулгаар 2013 оны хамгийн сайхан эмэгтэйгээр нэрлэжээ. Тэрбээр саяхныг хүртэл Британи жүжигчин Nicholas Hoult-тай үерхэж байгаад салсан юм.

2.       Жүжигчин Mila Kunis
Сүүлийн жилүүдэд гоо үзэсгэлэнгээрээ Холливудын ертөнцөд гайхагдаж буй 29 настай Мила Кунис энэ жил ч мартагдсангүй. Авьяаслаг хөөрхөн бүсгүй тэрбээр өдгөө жүжигчин Эштон Катчерын сүйт бүсгүй нь билээ.

3.       Загвар өмсөгч Kate Upton
21 настай Америкийн өсч яваа залуу модель бас жүжигчин энэ бүсгүй гэнэтхэн сайхан бүсгүйчүүдийн тэргүүн эгнээнд бичигдэж чаджээ. Шаргал үст энэхүү бүсгүй 178 см өндөр, 84:63:92 биеийн харьцаатай бөгөөд өнгөрсөн жил Maxim сэтгүүлийн халуухан 100-н бүсгүйд нэр нь багтаж байсан билээ. Бурханд үнэнчээр итгэж залбирч явдаг тэрбээр өөрт нь төгс тохирох хэн нэгэн байгаа гэдэгт итгэн одоогоор ганц бие яваа гэсэн.

4.       Дуучин Rihanna
Барбадосын гоо үзэсгэлэнг илэрхийлэгч дуучин Рианна гандан буурахгүй гэдгээ харуулж, энэ жил ч эхний байруудад орж чаджээ. Гал халуухан Рианна өдгөө 25 настай бөгөөд сүүлийн үед уран бүтээлээс гадна эротик имиж, секси байдлаараа олны анхаарлыг ихээхэн татах болсон билээ.

5.       Жүжигчин Emma Stone
Халуухан бүсгүйчүүдийн 5-р байр 25 настай жүжигчин бүсгүйнх болжээ. Түүнийг “Ghosts of Girlfriends Past”, “The Amazing Spider-Man” гээд олон киногоор нь хүмүүс сайн мэднэ. Эмма 2011 оноос жүжигчин Andrew Garfield-тай үерхэж буй.

6.       Загвар өмсөгч Miranda Kerr
Сахиусан тэнгэр Мирандаг ойрын хэдэн жилдээ үзэсгэлэнт бүсгүйн байр сууриа алдахгүй гэдэгт олон хүн итгэлтэй байдаг. Өдгөө 30 настай гоо бүсгүйг жүжигчин Orlanda Bloom-ын гэргий гэдгийг нь хэн хэнгүй мэднэ. Төгс хос нэг хөөрхөн хүүтэй.

7.       Жүжигчин Kristen Stewart
Чөргөр биетэй, сүүмгэр харцтай авьяаслаг жүжигчин бүсгүй анхнаасаа л нөлөө бүхий нэгэн байсан.  Цус сорогчийн хайрыг татсан турьхан бүсгүй өдгөө ч эрчүүдийн анхаарлын төвөөс гараагүй байх нь. 23 настай ч наснаасаа ахадсан нэр хүнд, хөрөнгө мөнгөний эзэн болж чадсан Кристен ажил, амьдрал дамнасан хайр сэтгэлийн асуудалдаа нэгмөсөн цэг тавиад байгаа билээ.

8.       Загвар өмсөгч Jessica Gomes
Манай уншигчид энэ бүсгүйг төдий л сайн мэдэхгүй биз. Португаль, Сингапурын цустай Австрали гаралтай, 28 настай загвар өмсөгч энэ бүсгүй  өөрийн өвөрмөц царай төрхөөрөө загварын ертөнцөд хэдийнэ тод од болсон нэгэн.

9.       Загвар өмсөгч Candice Swanepoel
Энэхүү жагсаалтад 25 настнууд олноор багтсаны нэг нь Өмнөд Африк гаралтай загвар өмсөгч Кэндайс юм. Хэдийнэ Victoria’s Secret-ийн сахиусан тэнгэрүүдийн нэг болж амжсан шаргал үст үзэсгэлэнт бүсгүй өмнө нь Форбс сэтгүүлийн 10 гоо бүсгүйн нэгээр нэрлэгдэж байсан билээ. Тэрбээр Бразил гаралтай загвар өмсөгч Hermann Nicoli-тай үерхдэг.

10.   Жүжигчин Sofia Vergara
Колумб гаралтай инээдмийн жүжигчин, телевизийн хөтлөгч энэ бүсгүй өдгөө 41 настай ч хорьтонгуудтай гоо үзэсгэлэнгээрээ эн зэрэгцэн өрсөлдөж буй. Идэр насны гоо үзэсгэлэнг гайхуулан буй Софияд өөрийнх нь насны эрчүүд илүүтэй санал өгч, энэхүү жагсаалтад багтаасан н гарцаагүй биз ээ.

11.   Жүжигчин Blake Lively
“Ховч охин” Блэк өдгөө 26 настай. Авьяаслаг залуухан энэ бүсгүйг жүжигчин Ryan Reynolds-ийн гэргий гэдгээр нь ч хүмүүс мэдэх биз. Унаган Америк төрхтэй жүжигчин бүсгүйн үргэлж инээмсэглэж явдгийг эрчүүд ихээхэн таашаадаг гэсэн.


12.   Жүжигчин Emilia Clarke
Лондонгийн охин Эмилия “Хаан ширээний тоглоом” цуврал кинонд тоглосноор нь уншигчид мэдэх биз. Өдгөө тэрбээр 26 настай.


13.   Дуучин Cheryl Cole
Үзэсгэлэнт Шерил энэ удаа нэлээд байр хойшилжээ. Сайхан бүсгүйчүүдийн жагсаалтад үргэлж дээгүүрт орж ирсэн тэрбээр өдгөө 30 настай. Шоу ертөнцөд орж ирсэн цагаасаа эрчүүдийн хүсэмжит бүсгүйгээр тодорсон Шерил Английн Челси клубын тамирчин Ashley Cole-тэй багагүй хугацаанд хамтран амьдарч хамгийн сайхан хосоор нэрлэгдэж байсан ч хоёр тийш болсон билээ.


14.   Жүжигчин Naomie Harris
Хар арьст бүсгүйчүүдийн төлөөлөл болох жүжигчин бүсгүй өдгөө 37 настай. Тэрбээр “Карибын тэнгисийн дээрэмчин”, Жеймс Бондын цуврал “Skyfall” зэрэг алдартай кинонд дүр бүтээсэн нэгэн.


15.   Дуучин Katy Perry
Элдэвтэй дуучин Кэти энэхүү жагсаалтад багтсаар...Өдгөө 29 настай халуухан бүсгүйн уран бүтээл болоод хачин жигтэй үйлдлүүд нь үргэлж олны анхаарлыг татаж байдаг билээ.


16.   Загвар өмсөгч Adriana Lima
Сахиусан тэнгэрүүдийн нэг Адрианагийн фэн эрчүүд дэлхийн өнцөг булан бүрт бий. 32 настай, хоёр хүүхдийн ээж тэрбээр одоо ч төгс бие галбир, гоо үзэсгэлэнгээрээ дэлхий нийтийг бишрүүлсээр байгаа билээ.


17.   Загвар өмсөгч Rosie Huntington-Whiteley
Victoria’s Secret үргэлж хамгийн сайхан хүүхнүүдийг өөрийн эгнээндээ нэгтгэж байдаг. Тэдгээрийн нэг бол үзэсгэлэнт Роси. 26 настай гоо бүсгүй загвар өмсөхөөс гадна “Transformers”-ийн цувралд тоглосон авьяаслаг жүжигчин билээ.


18.   Дуучин Beyonce
Энэ бүсгүй сайхан бүсгүйчүүдийн жагсаалтад орохгүй бол үнэндээ алдас болох биз ээ. Өөрийн гоо үзэсгэлэн, эрч хүчээрээ дэлхий нийтийг байлдан дагуулж буй өнгөт арьст энэ бүсгүй өдгөө 32 настай. Тэрбээр зөвхөн 2013 оны биш бүх цаг үеийн сайхан бүсгүйчүүдийн эгнээнд багтдаг үзэсгэлэн гоо бүсгүй билээ.