Солонгосчууд албан ёсоор гомдол гаргасан байна

Сочи 2014 өвлийн олимпийн томоохон дуулиануудын нэг нь уран гулгалтын эмэгтэйчүүдийн ганцаарчилсан төрөл юм. Маргааны үндэс нь алтан медалийг хүртсэн Аделина Сотникова үзүүлбэрийнхээ эхэнд алдаа гаргаж унасан харин мөнгөн медалийг хүртсэн дэлхийн дээд амжилтыг эзэмшигч Ким Юна алдаа гаргаагүйд байгаа юм.

Солонгосын “уран гулгалтын холбоо” KSU болон “олимпийн хороо” KOC хамтран Сочи 2014  дахь уран гулгалтын шүүгчид авилга авсан гэж ОУ-ын уран гулгалтын холбоонд гомдол гаргажээ.

Тус үйл явдалын яг дараа ч  Солонгосчууд гомдол гаргаж байсан юм. Гэвч энэ удаагийнх албан ёсных бөгөөд тэд шүүгчдийг шалгуулахыг хүсч байгаа юм байна.

Шүүгчид Аделина Сотниковаг алдаа гаргасан ч Ким Юнагийн үзүүлбэрээс илүү хурц, эргэлттэй үзүүлбэр нь илүү олон  байсан учир Аделина Сотнивковаг яах аргаггүй алтан медалийн эзэн гэж үзсэн.

Мөн шүүгчид ОХУ-ын тамирчинг алдаа гарсан учир 0.19 оноо хассан бөгөөд хэрвээ Аделина үзүүлбэрийнхээ эхэнд алдаа гаргаагүй бол! 149.95 + 0.19 = 150.06/Ким Юна дэлхийн дээд амжилт 2010/-ыг эвдэх ч боломж байсан юм.

2010 болон 2014 оны хоёр олимпийн алтан медалийн онооны зөрүү 0.11 байгаа/Аделина Сотникова алдаа гаргаж оноогоо хасуулсанаас болсон хэрэг/