Өдрийн хоолны амтат хачир

2015-09-04

Брокли, өндөгний салат

Орц: /4 хүний порц/

1 ширхэг брокли

3 ширхэг өндөг

¼ сонгино

3 ширхэг даршилсан өргөст хэмх

3-4 хоолны халбага майонез

Давс, перец

Хийх арга:

- Броклигоо жижиг хэрчээд давстай усанд 5 минут чанаад шүүж, жижиглэн хэрчинэ. Их устай байвал базаж усыг нь шүүж болно.

- Өндөгөө чанаж хальслаад шарыг нь ялган аваад цагааныг нь хэрчинэ.

- Сонгино, даршилсан өргөст хэмхээ хэрчээд өндөгний шар, майонезаа сайтар хольж давс перецээр амтлаарай. Одоо броккли, өндөгний цагаанаа нэмж хутгана.

Тунатай луувангийн салат

Орц: 400гр лууван

½ сонгино

1 лааз туна

1 цайны халбага давс

Хар перц

2 цайны халбага гүнжидийн тос

Хийх арга:

- Луувангаа нарийхан савхан хэрч, сонгиноо мөн адил нимгэн хэрчинэ.

- Лууван, сонгиноо сайтар холиод давсаар амтлаад сайтар базаад 30 минут амраа

- Тунаа загасаа шүүснээс нь шүүж бэлтгэ

- Лууван, сонгиноо дахин сайтар базаж шүүсийг нь шавхах хэрэгтэй. Ингээд туна загасаа нэмээд тос, перецээр амтална

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.