УИХ-д эмэгтэй гишүүдийн бүлэг байгуулна

УИХ энэ удаа есөн эмэгтэй гишүүнтэй болсон. Энэ удаагийн УИХ-д сонгогдсон эмэгтэй гишүүд хамтарч бүлэг байгуулахаар болжээ. Тэд эх, нялхас, хөгжлийн бэрхшээлтэй хүүхдүүд, эрүүл мэнд, нийгмийн халамж, хамгааллын чиглэлд хамтран ажиллахаар болсон байна.

 

Есөн эмэгтэйн тав нь АН-ын гишүүн бол, МАН, ИЗНН тус бүр нэг, МАХН-МҮАН-ын “Шударга ёс” эвсэл хоёр эмэгтэй гишүүнтэй юм. Тэд бүлэг байгуулж явцын дунд даргаа сонгох юм байна. 
 

 

Өнөөдөр л гэхэд Төрийн ордонд УИХ-ын гишүүн С.Оюун, С.Одонтуяа, Р.Бурмаа, Л.Эрдэнэчимэг, М.Батчимэг нар эмэгтэйчүүдийн ТББ-уудын төлөөлөлтэй  уулзалт хийлээ. Уулзалтад Нийгмийн дэвшил эмэгтэйчүүдийн хөдөлгөөн, Хөгжлийн бэрхшээлтэй хүүхэдтэй эцэг эхийн холбоо, Иргэдэд туслах хүний эрхийн төв зэрэг байгуулагын 22 төлөөлөгч оролцжээ.