Эрч хүчтэй бүсгүй танд энэ өдрийн мэнд хүргэе!

Өглөөний мэнд бүсгүйчүүдээ. Өнөөдөр үнэхээр сайхан өдөр байна. Тиймээ сайхан!  Сайхан гэдэг үгний цаана юу ч байж болох. Магадгүй бүсгүй таны сайхан инээмсэглэл, өөртөө итгэлтэй алхаа, хэзээ ч өмнө нь мэдэрч байгаагүй амтат өглөөний цай, өвөртлөөд унтаж буй бяцхан үр гээд таны сайхан гэж бодож буй тэр зүйл чинь л сайхан шүү дээ. Хүн илүүг бусдаас хайдаг. Харин дутууг өөрөөсөө хайдаг. Энэ бол хамгийн буруу зүйл юм. Танд байхгүй зүйл бусдад байгаа бол бусдад байхгүй ямар нэгэн зүйл танд байж л таараа. Тиймээс өөрт байгаа илүү сайхан чанаруудаа эхлээд нэг харахыг хичээгээрэй. Харин дараа нь бусдад харуул. Үүний дараа тэд таныг  үнэлэх болно. Өнөөдөр танд олон ажил овоорсон, эсвэл хамгийн ихээр түгшээж байсан чухал сорилтын өдөр ч байсан хамаагүй зүгээр л өглөөнийхөө цайг тайван уугаад өөртөө итгэл дүүрэн энэ өдрийг угтаарай  .Та бол эрч хүчтэй, өөдрөг хамгийн гайхалтай эмэгтэй. Таны тууштай шийдэмгий, хүчирхэг байдалд тань тэр бүх зүйл сөгдөх болно. Хэрэв та өглөөг л  сайхан  угтвал дагаад бүх зүйл чинь сайхан байна. Хүн сэтгэлийн амьтан гэдэг шүү дээ. Энэ бол үнэн. Сэтгэл тань л  гэгээлэг зөөлөн байж чадвал бусад зүйл аяндаа амархан болно. Тиймээс бүсгүй минь ид шидийн мэт инээмсэглэлээрээ энэ өглөөг сайхан угтаарай. Танд амжилт хүсье.