Хумс арчилгааны бяцхан зөвлөмж

2013-04-01

Эмэгтэй хүн бүр өөрийн гоо сайхан, эрүүл мэндэд цаг хугацаа, бас багагүй мөнгө зарцуулдаг нь үнэн. Хамгийн түрүүнд үс, нүүрний арьс, гар гээд л эхэлнэ. Тэгэхдээ эмэгтэй хүний насыг илтгэж нэрийн хуудас нь болдог зүйл бол гар, хумс юм. Энэ удаад бүсгүй танд хумс арчилгааны тухай энгийн бөгөөд үнэтэй зөвлөгөөг хүргэе.

•   Хумс болон гаранд зориулсан тэжээлийн тосыг тогтмол хэрэглэж заншаарай.
•   Хугарамтгай хумстай бол сармисны ханданд хумсаа дүрэхэд бэхжиж хатуу болдог.
•   Юм угаахдаа бээлий өмсөж байгаарай
•   Хумсны будгаа хусаж арилгаж болохгүй шүү. Ингэж арилгах нь эмэгтэй хүний саванд муу нөлөөтэйгээс гадна хумс гэмтдэг.
•   Ургуулаагүй богино хумсыг тод өнгийн лакаар будах зохимжгүй. Харин өнгөгүй лакаар будвал цэвэрхэн харагдана.
•   Та хумсаа урт ургуулсан бол өмссөн хувцасныхаа өнгөтэй хоршуулан хумсаа будаарай. Ургуулсан хумсаа будаагүй бол үзэмжгүй харагддаг. Бас нэгэн бяцхан зөвлөгөө, бүсгүй та амралтын өдрөөрөө энэ зөвлөгөөг хэрэгжүүлээрэй.

Хумсны будгаа арилгаж, гараа сайтар угаана. Тавганд бүлээн ус хийж усан дээрээ цайны халбаганд иоджуулаагүй давс, таван дусал иод нэмж хутгаад хумсаа 15-20 минут дүрнэ. Дараа нь гараа угааж тэжээлийн тосоо түрхээрэй. Энэ аргаар долоо хоногт нэг удаа хумсаа арчилж байвал хумс чинь бэхжиж, хугарахгүй хатуу болно.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.