Хосын харьцааг сайжруулахад хосгүй хүнс гэж сонссон уу?

Хоёул амттай хоол идээд л, хойшдын янаг цэнгэлд умбана...
Хоол судлаачид олон жилийн туршилтын эцэст зарим төрлийн хүнсний бүтээгдэхүүний өнгө, амт үнэр, химийн  найрлага нь сэрэл өдөөдөг болохыг нотолжээ.



Өндөг.
Өндөг олон зууны турш сэрэл өдөөгч хэмээн нэрлэгдэж ирсэн. Эртний Энэтхэгийн анагаах ухааны шастирт өндгийг “хоромхон  зуурт бие, чангаруулагч идээ” гэж нэрийдсэн бий. Өндөг бол лютеины эх булаг. Лютеин нь судасны бөглөрлөөс хамгаалж, зүрхний шигдээс, даралт ихсэх өвчнөөс сэргийлдэг. Сүүлийн үед хоол судлаачид өдөрт нэгээс хоёр ширхэг өндөг идэх нь холестриний түвшинг нэмэгдүүлдэггүй хэмээн баталж байна. Бие махбод ханасан өөх тосноос холестинийг шингээн авдаг ч өндөг зэрэг холестериноор баялаг зарим бүтээгдэхүүнээс ханасан өөх тос шингээж авдаггүй аж.
Сармис
Сармис ямар ч үндэстний гал тогооны гол бүтээгдэхүүн байсаар ирсэн. Гэхдээ та хүсэл тачааллын галыг нь асаахаар хайртай хүндээ сармис идүүлэхээсээ өмнө таагүй үнэрийг нь даралгүй болохгүй шүү. Сармис цусны даралт багасгаж, ходоод, бүдүүн гэдэсний хорт хавдар тусам эрсдлийг бууруулдаг.

Зөгийн бал
Зөгийн бал, сексийн эрч хүчийг сэлбэх хамгийн сайн бүтээгдэхүүнд тооцогддог. Үүний бусад өдөөгч хүнс болох самар, жинс, өндөг, махнаас түлхүү хэрэглэх нь зохистой.
Далайн байцаа
Далайн байцаа зөгийн тоосонцортой адил хүний биед зайлшгүй шаардлагатай тэжээллэг бодис ихтэй бүтээгдэхүүн. Ханасан эрдэс давс нь энгийн болон архаг төмрийн дутагдлыг зогсоох чадвартайгаас гадна өдөр бүр хэрэглэвэл та гоолиг болж чадна.
Мөөг
Мөөг сексийн эрч хүч өсгөдөг гэдгийг хүн төрөлхтөн эртнээс мэддэг байжээ. Харин саяхан мөөгөнд дархлаа бэхжүүлэх онцгой чанар байгааг олж тогтоосон юм. Мөөг нь нь махтай адил цусны цагаан эсийг боловсруулж, бие махбодыг гадны нян, вирустэй тэмцэхэд  онцгой үүрэг гүйцэтгэдэг.

Сонгино
“Ядуучуудын заар” хочтой энэ ногоог тус сударт шээс хөөх, эрч хүч сэлбэх, цус цэвэрлэх, сэрэл үүсгэх эм гэсэн байдаг. Исламын болон Хятад, Европ, Энэтхэгийн уламлалд сонгино шиг өргөн хэрэглэдэг хүнс үгүй. Сонгино сексийн эрч хүчийг маш их нэмэгдүүлдэг учир сахил хүртсэн хүмүү¬¬¬ст хэрэглэхийг хориглодог байжээ.