Өдрийн хоолны жор: Холимог пицца

Орц:
1. Гурил - 200 г
2. Сүү - гуриландаа тохируулна
3. Пицца болон шпагетти-ний соус - 50 г
4. Пиццаны бяслаг - 150-200 г
5. Хиам (гахайн мах, зайдас аль нь ч болно) - 100 г
(нимгэн хавтгай хэрчинэ)
6. Амтат чинжүү - ногоон, улаан, шар - тус бүр 1 ш (урт нарийн хэрчинэ)
7. Бөөрөнхий сонгино - 1/2 ш (урт нарийн хэрчинэ)
8. Давс - бага зэрэг
9. Эсгэгч (дрож) - бага зэрэг

• Гурилан дотроо эсгэгч давсаа хийж сүүгээрээ зуурна. Сүүгээр зуурсан гурил зөөлөн болдог.

• Зуурсан гурилаа битүү саванд хийж дулаан газар 50 минут байлгаад гаргаж нухан 15 минут амраана.

• Амраасан гурилаа 0.5 мм зузаантай шарах савнаас арай томхон элдэнэ.

• Элдсэн гурилан дээрээ пиццаны соусаа жигд түрхэнэ.

• Дээр нь амтат ногоон, улаан, шар чинжүүгээ жигд тараана.

• Дээрээс нь мөн хэрчиж бэлтгэсэн хиам, сонгиноо жигд тарааж тавих ба хамгийн сүүлд пиццаны бяслагаа дээр нь жигдхэн цацаад шарах шүүгээнд хийж 200°C-ийн халуунд 15-20 минут шарна.

• Мөн бяслагаа тавьсны дараа дээр нь олив жимс бага зэргийг тавьж өгч болно. Ингээд л пицца маань бэлэн боллоо.