Дуучин Баярцэцэг Европын эмэгтэйчүүдийн холбооны уулзалтад урилгаар дуулна

Өнөөдөр дуучин Б.Баярцэцэг Английн Лондон хотыг зорилоо. Өнгөрсөн оны намар хийсэн томоохон хэмжээний тоглолтоосоо хойш багагүй хугацаанд амарсан дуучин бүсгүй уран бүтээлийн нэлээдгүй олз омогтой яваа гэнэ. Харин хэд хоногийн өмнөөс Европын эмэгтэйчүүдийн холбооны уулзалтад зориулж дуучин бүсгүйг бие даасан тоглолтоо хийхийг урьсан явдал түүнд үнэхээр гэнэтийн бэлэг болжээ.

Дуучин бүсгүй урилгыг дуртайяа хүлээн авсан бөгөөд урын санд буй хит дуунуудаас гадна сүүлийн үед хийсэн шилдэг уран бүтээлүүдээ нэгтгэн хоёр цагийн хугацаатай тоглолт хийхээр болжээ.

Дашрамд дурьдахад Европын эмэгтэйчүүдийн холбооны уулзалт ирэх сарын 1-нд болох бөгөөд энэ үеэр Б.Баярцэцэг эх орноо төлөөлөн уран бүтээлийнхээ дээжээс өргөн барих ажээ.