Австралийн зураач Жоди Роуз 600 жилийн настай гүүртэй гэрлэжээ

Австралийн зураач Жоди Роуз амьд хүнтэй бус харин 600 жилийн настай Чөтгөрийн гүүртэй /Devil’s Bridge/ гэрлэжээ. "Дуулдаг гүүрүүд" хөгжмийн төслийн хүрээнд Роуз бүсгүй сүүлийн 10 жилд дэлхийг тойрон аялж, гүүрүүдийн чичиргээ, хэлбэлзлийг хэмжжээ. Тэр энэ бичлэгээ дараа нь туршилтын хөгжим зохиоход ашигладаг ажээ.


Товчоор өгүүлэхэд бүсгүй эдгээр гүүртэй ойр дотно харилцаатай болсон. Эцэст нь тэр өөрийгөө гүүргүй байж чадахгүйг ойлгон, гэрлэхээр шийдсэн гэнэ. Түүнд хамгийн их таалагдсан нь Чөтгөрийн гүүр.

Роуз “Тэр маань чулуугаар хийгдсэн ч би түүний хэлбэлзлийг, хүчтэй тэврэлтийг мэдэрч байдаг. Сонгосон хань маань эцэс төгсгөлгүй нүүдэл, шилжилтийн дараа амрах боломж өгдөг. Тэр маань гангаас бүтсэн, газарт суурилсан бол харин би өөрөө мөнхийн аялагч. Би хайртдаа үнэнч. Тэр маань төгс нөхөр, яагаад гэвэл хүчтэй, бас дуугүй" хэмээжээ.

Жоди Роуз хуримын цагаан даашинз, цэцгийн баглаа болон тангарагийн үгээ бэлдэн ирж, хуримлажээ. Чөтгөрийн гүүрийн ойролцоох жижиг хотын мэр ирж, Жоди ба Чөтгөрийн гүүрний гэрлэлтийг батлав.