Солонгосын охидын хамтлаг Монголд

БНСУ-ын “Core Contest Media” энтертайнментад харьяалагддаг “Т-ара”, “Давичи”, “Сияа”, “Спийд” хамтлагийнхан ETV HD телевизийн урилгаар манай улсад ирэхээр болжээ. Тэд ирэх сарын 21-нд Төв цэнгэлдэх хүрээлэнд манай үзэгчидтэй уулзана. Харин тоглолтын тасалбарыг ирэх сарын 1-нээс борлуулж эхлэх бөгөөд билет нь 35-150 мянган төгрөгний үнэтэй байх аж.


“Т-ара” охидын хамтлаг нь 2009 онд “Core Contents Media”-гийн доор дебут хийж байсан юм. Тэднийг анх дебут хийж байхад нь “Super Rookies” гэж нэрлэдэг байжээ. Тэд хамгийн анх таван гишүүний бүрэлдэхүүтэйгээр гарч ирж байсан Jiae мөн Jiwon нар нь хувийн шалтгаанаар 2009 оны зургадугаар сард хамтлагаа орхисон юм.

Удалгүй шинэ гишүүн авсан юм. Энэ шинэ гишүүд нь Борам, Кюри, Суёон нар байсан юм. Тэднийг 2009 оны долдугаар сард элсүүлэн авсан юм.


Гурав дахь цомог болох “Black eyes”-д багтсан “Cry cry” дууны клипийг 30 минутын дотор нэг сая хүн үзсэн бол 80-аад оны стилийг харуулсан “Roly Poly” дуугаа хоёр сая хувь борлуулсан байна. Тэд тэгш эрхтэй ажиллахын тулд хамтлагийн ахлагчаа байнга сольдог бөгөөд өдгөө Кюри ахалж буй юм.