Ахмадын өдрийг “Настнуудын хэлж буй ирээдүйг бид хүсч байна” уриан дор тэмдэглэж байна

2013-10-01

1990 оны 12 дугаар сарын 14-ний НҮБ-ын Ерөнхий Ассамблейн шийдвэрээр Олон улсын ахмадын өдрийг тэмдэглэн өнгөрүүлдэг уламжлал тогтоод 23 жил болжээ. Энэ жил НҮБ-аас Олон Улсын Ахмадын Өдрийг “Настнуудын хэлж буй ирээдүйг бид хүсч байна” уриан дор тэмдэглэхийг гишүүн орнууддаа уриалсан байна. Монгол улс ч энэ уриалгыг хүлээн авч, Эрүүл мэндийн яам, Дэлхийн эрүүл мэндийн байгууллага, Хүн амын хөгжил, нийгмийн хамгааллын яам болон Геронтологийн үндэсний төвүүд хамтран өнөөдөр эрүүл мэндийн яамнаа хэлэлцүүлэг зохион байгуулахаар болжээ.

Түүнчлэн аравдугаар сарыг “Ахмадын эрүүл мэндийг дэмжих сар” болгон зарлаж энэ хүрээнд олон ажил хийхээр төлөвлөжээ. Энэхүү ажлын хүрээнд хүн амыг эрүүл насжихад бэлтгэх эрүүл мэндийн мэдээлэл сурталчилгааг өргөжүүлэх, ахмад настанд үзүүлэх тусламж үйлчилгээний нэр төрлийг нэмэгдүүлж, ахмад настны сэтгэцийн эрүүл мэндийг дэмжих, харааны сулрал, ясны сийрэгжилттэй тэмцэх зэрэг тусламж үйлчилгээний чанар, хүртээмжийг нэмэгдүүлэх, өвчний улмаас бусдын асрамжинд байгаа настнуудад эмнэлгийн тусламж үйлчилгээг гэрт нь хүргэх, эрүүл насжилтыг дэмжсэн үйл ажиллагааг бүх насныханд зориулан явуулах зэрэг арга хэмжээг эрүүл мэндийн бүх байгууллагуудаа оролцуулан зохион байгуулахаар төлөвлөсөн ажээ.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.