Уншигч бүсгүйчүүддээ асуултын хариултыг илгээж байна №2

Бид сексологич А. Тодоо эмчтэй хамтран бүсгүйчүүддээ сексологийн зөвлөгөө өгч мөн тулгарч байгаа асуултанд хариу илгээж байгаа билээ. Ингээд бидэнд ирсэн асуултанд хариулж байна.

1.  Сүүлийн үед секс хийх үед дур тавих үед бас дараа нь үтрээнээс хий гараад байдаг боллоо. Энэ ямар учиртай вэ? Заримдаа санаа зовоод дур тавихад нөлөөлөөд байх юм. Зөвлөгөө өгнө үү?

Секс хийх үед үтрээнээс хий гарах ёсгүй. Хэрвээ хий гарч байгаа бол савны хий гэдэг өвчин үүссэн байна гэж үзнэ. Энэ нь юунаас шалтгаалдаг вэ гэвэл
- Доороос даарах
- Бөгсөн биеэрээ хүйтэн юман дээр суух
- Салхи жаварт цохиулах
- Чийгтэй газар хэвтэж суух гэх мэт. Мөн хувцаслаж байгаа байдлаас болдог.
Жишээлбэл суудал багатай өмд өмсөж саваараа даардаг. Энэ үед саванд хүйтэн сууж, хий үүснэ. Савны хий өвчний үед ямар шинж тэмдэг илэрдэг вэ гэхээр сарын тэмдгийн мөчлөг өөрчлөгдөх, өнгө, үнэр, сарын тэмдгийн зуурамтгай байдал зэрэгт өөрчлөлт өгч эхэлдэг. Мөн секс хийх үед хий гарсаар байна. Энэ асуудлыг яаж шийдэх вэ гэвэл савны хийг хөөлгөх эмчилгээ хийлгэх хэрэгтэй. Зүү, төөнүүр тавиулж, эм тан уух, хий гаргах массаж хийлгэх ёстой. Савнаас хий гарахыг эрчүүд тэр болгон ойлгодоггүй. Секс хийхээрээ унгадаг эмэгтэй байна гэж ойлгоно. Тэрнээс савнаас хий гарч байгааг тэр болгон мэддэггүй. Эмчилгээ хийлгэхгүй байвал хий гарах нь улам нэмэгдэж сүүлдээ ямар нэгэн савны өвчинтэй болдог. Савны хавдар, сав хазайх, давсгаар өвдөх, саван дээр өвддөг болно. Энэ асуудал олон эмэгтэйчүүдийн санааг зовоодог.



2. Нөхөр бид хоёр байнга шөнө бүр тогтмол секс хийдэг. Шөнө бүр 4, 5 удаа хийдэг. Секс их хийсний буруу гаж нөлөө байдаггүй биз дээ.

Эмэгтэй хүн сексийн харьцаанд олон орох тусам өөрт нь ашигтай байдаг. Харин эрэгтэй хүн тамираа алддаг. Эмэгтэй хүн тамирыг авдаг. Нэг ёсондоо эмэгтэй хүн цэнэг авдаг гэсэн үг. Тиймээс өдөр болгон 4-5 удаа секс хийхэд буруутах зүйл байхгүй.  
Харин нэг асуудал бий. Тэр нь хэт их секс хийхээр турах, нойргүйдэл явагдах, өдрийн ачаалал ихтэй ажилладаг хүн ядрах зэргээс сөрөг нөлөө гарч болно. Олон удаа секс хийх тусмаа илүү  их громон ялгаруулдаг учир эмэгтэй хүний эрүүл мэндэд эерэг нөлөө үзүүлдэг.

3. Сайн байна уу. Би энэ жил найз залуутай гэр бүл болсон юм. Манай нөхөр секс хийхдээ 5 хүрэхгүй минутанд дур тавиад байх юм. Энэ ямар учиртай вэ?

 5 минутын хугацаанд сексийн өндөр сэрэлтэй, туршлагатай эмэгтэйчүүд амжиж дур ханаж чаддаг. Хэрвээ амжихгүй бол эрэгтэйн дур тавих хугацааг зайлшгүй уртасгах шаардлагатай байдаг. Богино хугацаанд дур тавих нь "дур хурдан тавих" гэдэг эмгэг процесс явагдаж байна гэж сексологийн шинжлэх ухаанд үздэг. 5 минутын хугацаанд эмэгтэй нь дур ханаж чадахгүй байгаа бол сексологийн эмчид хандах хэрэгтэй.
Хэрвээ яг энэ байдлаараа тогтмол үргэлжилвэл эмэгтэй хүн:
1. Дур ханамж авахгүй байгаа учир сексийн дутагдал явж байгаа мэт сэтгэгдэл төрнө
2. Секс хийх сонирхолгүй болж эхэлдэг.
3. Сексийн жигшиж эхэлдэг
4. Сексийн хосоо солихыг оролддог
Яагаад гэвэл сексийг мэдрэхгүй байх нь гэр бүлийн харилцаанд маш сөргөөр нөлөөлдөг. Тиймээс хоорондоо ярилцаад эмчид үзүүлж хугацааг уртасгах хэрэгтэй шүү.



4. Би 33 настай.  Сексийн харьцаанд ороод нэг ч удаа тавьж үзээгүй. Нөхрөөс салаад 2 жил болж байгаа. Өөр хүнтэй секс харьцаанд ороогүй байгаа. Заримдаа өөртөө их гутрах юм. 

Яг энэ насан дээрээ секс хийхгүй байна гэдэг маш муу. 30 нас өнгөрөхөд эмэгтэй хүнд бэлгийн громон илүү нэмэгддэг. Тиймээс сексийн харьцаанд орох хэрэгтэй. Өөртөө яагаад гутраад байна вэ гэвэл хүн сексийн харьцаанд орж баяр бясгалангийн болон сэтгэл тайвшруулах громоныг ялгаруулдаг. Нэг ёсондоо амьдралд идэвхгүй болж, гуниж гутрах мэдрэмж юунаас болдог вэ гэхээр дур тавихгүй байгаатай холбоотой байдаг юм.
Нөхрөөсөө саллаа гээд гутарч гуниад өөр хүнтэй уулзахгүй байгаа нь угаас буруу. Тавьж үзээгүй бол сексийн хосоо сонгоод секс хийгээд үз. Тэр үед дур ханамж авч чадахгүй байвал үүнийг хөрөлт гэж үзнэ.  Дур ханамж авч чадахгүй хэвээр байвал сексологийн эмчид үзүүлэх шаардлагатай.

5.  Секс хийх үедээ муухай орилоод байх юм. Яах вэ?

Ер нь секс хийх үедээ цаанаасаа ямар нэгэн үйлдэл, дуу авиа гаргадаг. Энэ бол байдаг л зүйл. Эмэгтэй хүн дур ханахдаа орилох, чарлах, ухаан алдсан мэт болох зэрэг олон эмоц илэрдэг. Тиймээс эмэгтэй хүн дур тавьж байх үедээ өөрийгөө удирдах чадвар муу байдаг.
Хүнгүй хоёулахнаа байгаа үед бол орилох нь ерөөсөө асуудал биш. Харин гэрт мөн нэг газар олуулаа амьдардаг хосуудад энэ асуудал болдог. Тиймээс сексийн үед өөрийгөө удирдах хэрэгтэй. Орилохын оронд нөхрөө тэврэх, базах, гар хөлөө чангалах зэрэг авиа гаргахгүй байж болно.



6. Аман секс эрүүл мэндэд сөрөг нөлөөтэй юу?

Аман секс хийх нь хортой нөлөө үзүүлэхгүй. Аман секс хийхдээ юуг баримтлах ёстой вэ гэхээр эрүүл ахуй талаасаа маш цэвэр байх ёстой. Бэлгийн замын халдварт өвчтэй хүнтэй бэлгийн харилцаанд орвол шууд халддаг учир хийж болохгүй. Жишээ нь тэмбүүтэй хүнтэй унтахад амны хэл , хоолойн дээр яр гардаг. Мөн бэлэг эрхтэнээ маш сайн цэвэрлэсний дараа аман секс хийх хэрэгтэй. Харин бусад талаараа бол сөрөг нөлөө байхгүй. Харин эмэгтэй хүн аман сексээс ташаал аваад байвал секс хийх үедээ дур ханаж чадахгүй болчихдог.
Эмэгтэй хүн эр бэлэг эрхтэнг хоолойн угруугаа тулгавал бөөлжис хүрдэг. Тэгж хийж суръя гэвэл тусгай дасгал хийх хэрэгтэй. Угруу тулгаж хийгээд байвал эмэгтэй хүнд маш хэцүү төвөгтэй байдаг.

Уншигч бүсгүй танд бэлгийн амьдралтай холбоотой шийдэж чадахгүй ямар нэгэн асуудал байгаа бол info@emegteichuud.mn хаягаар мэйл явуулна уу. Бид сексологич А. Тодоо эмчээс тодруулан нийтлэх болно. Бүсгүй таны сексийн амьдралд амжилт хүсье.