Хятадын хоёр дахь эмэгтэй сансарт нислээ

2013-06-12

БНХАУ-ын хоёр дахь эмэгтэй сансрын нисгэгч өчигдөр тойрог замд гарах их аянаа эхэллээ. Түүнээс гадна сансрын хөлгийн багийн ахлагч Ние Айсинг, Шанг Сиагуан нар өчигдөр 17.38 цагт Бээжин дэх Жиугуан сансрын хөлгийн буудлаас Long March 2F хөлгөөр аяллаа эхэлсэн юм. Тэдний хувьд сансрын “Tiangong” лабораторид хоёр долоо хонохоор төлөвлөсөн билээ.

Хоёр дахь эмэгтэй нисгэгч сансарт хөөрөхийн өмнөх өдөр “Би сансрын орчин дахь микро таталцахуйн хүчний зарим физикийн туршилтыг батлах болно. Бид бүгд л дэлхийн нүүр царайг судалж буй сурагчид. Тэгэхээр энэ хугацаа миний хувьд суралцах асар их боломж” гэж байв.

Багийн командлагч Ниегийн хувьд “People"s Liberation Army Air Force”-ын хошууч бөгөөд хоёр дахь удаа сансарт нисч байгаа аж. Үүнээс өмнө 2005 онд Shenzhou-6-аар сансарт нисч байв. Өдгөө 48 настай командлагч Ние “Энэ бол нэр төрийн хэрэг. Гэхдээ үүний хажуугаар миний мөрөн дээр асар их үүрэг, хариуцлага оногдож байна. Энэ удаагийн пуужин миний өмнө нь сансарт ниссэн Shenzhou-6-тай харьцуулахад илүү урт, чадлыг нь сорьсон, тэр чинээгээрээ эрсдэл өндөртэй юм” гэв.

Энэ удаагийн сансарт нисч буй пуужин нь “Shenzhou-10”-ынх бөгөөд сансарт аялуулах Хятадын хамгийн сүүлийн дэвшилтэт алхмын нэг юм. Сансрын хөлөг хөөрснөөс есөн минутын дараа л багийн капсуль пуужингийн дээд хэсгээс салах юм байна. Хятад бол сансар огторгуйн дөрөвдэгч хүчин бүхий томоохон нисэх баг бүрэлдэхүүнтэй улс юм.

Үүнээс өмнө өнгөрсөн жилийн зургадугаар сард Лиу Яанг гэх Хятадын анхны эмэгтэй сансарт 10 хоносон билээ. Түүний хувьд Shenzhou-9 хөлгөөр бусад хоёр гишүүний хамт сансарт амжилттай хөөрсөн юм. Багийн ахлагч Зин Хайпэн, мөн хөлгийг өнгөрсөн оны есдүгээр сард хөөргөсөн “Тяньгун-1” тойрог замын аппараттай холбох ажлыг гардан хийх ёстой нисгэгч Лю Ван нар багийн бүрэлдэхүүнд орж байв. Сансрын нисгэгчид тойрог замд арав гаруй хоног байсан бөгөөд туршилт, судалгаа явуулжээ.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

fvbdfbf (202.131.230.107) 2013-06-12 16:07:40

ЗХУ болон ОХУ СНГ-д 5 жил суралцаж төгссөн хүмүүс ОХУ-ын Магистрийн гэрчилгээ нөхөн олгож байна Сертификат МКПЭ при МКС Инкорвуз-XXI Международная комиссия по признанию и эквивалентности учебных курсов документов об образовании и учёных степеней Комиссия при Международном Координационном Совете 3Цээж зураг Доорхи хаягаар холбоо бариарай И-мэйл tamir46yahoocom

0 0 0 Хариулах

Бусад