Викториа Бекхэм: Бид найрсагаар салцгаасан болхоор би шинэ зүйлийг бүтээмээр байна

Сүүлийн үед Викториа Бекхэмийг хамтлагийнхантайгаа эргэн нэгдэх бодолгүй байгаа тухай хэвлэлээр шуугих болжээ. Харин дуучин, загвар зохион бүтээгч Викториа Бекхэм Парисын “Vogue” сэтгүүлд нэгэн ярилцлага өгчээ. Тэрбээр тус сэтгүүлд өгсөн ярилцлагадаа “Spice Girls” хамтлагтайгаа эргэн нэгдэхийг нэг их хүсэхгүй байгаа тухай ярьжээ.


Викториа Бекхэм хэлэхдээ “Бид 2008 онд хамтран тоглолт хийгээд тун найрсагаар салцгаасан. Мэдээж хамтлагийнхантайгаа өнгөрүүлсэн мөчүүд бол миний амьдралын хамгийн сайхан үеийн нэг байсан. Гэхдээ одоо би өөр зүйл хийхийг хүсч байна. Би шинэ зүйлийг бүтээмээр байна” гэжээ.