Найз залуугийнхаа гарт харамсалтайгаар амиа алдсан бүсгүйн ар гэрийнхэн шүүх шинжилгээний эмч нарыг АТГ-т шалгуулхаар болжээ

Дөрвөн сар хамт амьдарсан найз залуугийнхаа гарт зэрлэгээр зодуулан нас барсан гэх мэдээлэл олныг цочирдуулаад байгаа билээ. Тэгвэл талийгаач Б.Цэдэн-Ишийн ар гэрийнхэн болон өмгөөлөгч нар нь өнөөдөр сэтгүүлчдэд мэдээлэл хийлээ.



Шүүх эмнэлгийн дүгнэлтээр бүсгүйн цөс цоорсон учраас амиа алдсан хэмээн дүгнэлт гаргажээ. Гэвч шүүх эмнэлгийн дүгнэлтийг санаатай буруу худал гаргасан хэмээн санал нийлэхгүй байгаагаа ар гэрийнхэн нь ийнхүү илэрхийлж байгаа юм.



Тэд "Охинд минь задлан шинжилгээ хийх үед охины маань цөс байгаагүй. Тиймээс эмч нарын дүгнэлтийг хүлээн зөвшөөрөхгүй байна. Г.Алтанхүү гэгчид зодуулан амиа алдсан нь тодорхой байхад эмч нар "гадны нөлөөгүй" гэж дүгнэсэн нь Г.Алтанхүүгийн ар гэрийнхнээс авлига авсан байж болзошгүй. Тиймээс шүүх шинжилгээний эмч нарыг АТГ-т шалгуулахаар болжээ.



Түүнчлэн шүүх эмнэлгийн дүгнэлт илт хуурамч, хууль бус бөгөөд сэжигтэний талын нөлөөнд автсан байх өндөр магадлалтай тул авилгалтай тэмцэх газар шалгуулах, шүүх эмнэлгийн дүгнэлтийг үл хүлээн зөвшөөрч, дахин шинэ бүрэлдэхүүнээр дүгнэлт гаргуулах хүсэлтийг прокурорт гаргах, шүүхийн шинжилгээний хүрээлэнгийн ажлыг хянаж, энэ хэргийн үнэн мөнийг тогтоох тал дээр анхаарал тавьж ажиллахыг Хууль зүйн сайд Х. Тэмүүжинд хандан хүсэлт гаргасан тухай Хүний эрхийн хуульч М.Ичинноров мэдэгдлээ.