Хамгийн залуу уран сайхны гимнастикийн спортын мастер Т.Болор

Монголын хамгийн залуу спортын мастер өчигдөр тодорлоо. Тодруулбал, Сүхбаатар дүүргийн 6 дугаар сургуулийн 9б ангийн сурагч Т.Болор Монгол Улсын хамгийн залуу уран сайхны гимнастикийн спортын мастераар тодорсон байна.

Тэрбээр 2006 оноос Спорт сургалтын төвд хичээлэж байгаа юм. Түүнчлэн ОХУ-ын Улаан-Үдийн хүүхдийн наадмаас хүрэл, 2009, 2010 оны хошой аварга, 2012, 2013 оны Хотын аваргын хүрэл медаль тус тус хүртэж байсан ажээ.

Ингээд Монгол Улсын хамгийн залуу уран сайхны гимнастикийн спортын мастер болсон Т.Болортоо угшигч бүсгүйчүүдийнхээ өмнөөс баяр хүргэе. Мөн цааш цаашдын уралдаан тэмцээндээ амжилттай оролцохыг хүсэн ерөөе!