Нууц амрагуудад зөвлөе

Бүсгүй та хэн нэгний нууц амраг юм биш биз.  Эсвэл нууц амрагууд болох шатан дээрээ явж байна уу? Тэгвэл таньд  яг одоо тэрхүү хуурамч амрагийн харьцаагаа таслахыг зөвлөж байна. Үгүй бол доорх  зовлонг та амсах болно.

- Чи амралтын болон баяр ёслолыг үзэн ядах болно. Учир нь хайртай хүн чинь энэ өдрүүдийг гэр бүлийн¬хэнтэйгээ өнгөрөөж байхад чи ганцаараа уйтгарлаж сууна.
 
- Та нар хоёулхнаа уулзах хэрэгтэй байдгаас чи түүний найз нөхдийг танихгүй, тэдний тухай хайртынхаа ярианаас өөр төсөөлөл багатай л байх вий.
 
  - Олон хүнтэй газар чамтай хамт очихоос байнга татгалзах учраас шинэ авсан гоёлын даашинзаа өмсөөд хайртай хүнээ сугадаад театрт ч юм уу очно гэж санасны ч хэрэггүй.
 
  - Хайртай хүүгийнх нь, эсвэл охиных нь төрсөн өдрөөр дуртай бэлгийг нь сонгохоор дургүй ч байсан дэлгүүрээр хэсэх л болно.
 
   - Та хоёрын хуримын вальс хэзээ нэг цагт эгшиглэнэ хэмээн найдаж суух хэрэггүй. Магадгүй нууцхан уулзаж, хугасхан жар¬гал амтлаад байгаа нь түүнд таалагддагаас бус тэр хэзээ нэг цагт эхнэрээсээ салж чамтай амьдарна гэсэн бодолгүй л байгаа даа.
 
   - Найз бүсгүй чинь гэртээ урих үед бүгд хос хосоороо байхад чи орь ганцаараа очиж бусдын аз жаргалд атаархан суух мөчид сэтгэлээр унаж магадгүй.
 
  - Эцэст нь хэлэхэд чи худал хуурмагийн далайд умбана. Үнэн¬дээ өөр арга ч байх¬гүй. Ойр дотнын хүмүүс, гэр бүлийн¬хэнтэйгээ зөрчилдөх, үл ойлголцох байдал гаргахгүйн тулд мөн найз бүсгүйнхээ хорон үгсээс зайлсхийхийн тулд хэнд хайртайгаа нуухаас сайн арга олохгүй л болов уу. Тэгээд ч нэгэнт л чинийх болохгүй хүнийг хэн болох тэр тусмаа гэр бүлийнх нь талаар даян дэлхийд зарлах хүсэл төрөхгүй биз дээ.