Хүүхэд залуусын дунд хэдийнэ танил болсон дуучин Анхууш буюу Ц.Анхбаяр өөрийн “Facebook”-дээ “хайр сэтгэлд  гарал үүсэл үндэс угсаа, шашин шүтлэг хамаардаггүй юм” хэмээн бичиж, гадаад бүсгүйн зураг оруулжээ.

Тэрбээр энэ оны хоёрдугаар сард “Facebook”-ээрээ дамжуулан “Францын залуу дуучин Клеменстэй хамтарсан уран бүтээл удахгүй гарна” хэмээн мэдэгдэж байсан юм.

Дуучин залуугийн сэтгэлийг татсан бүсгүй нь Францын дуучин бүсгүй, 26 настай Клеменс Сэйнт аж. Баттай эх сурвалжийн мэдээлснээр тэд Америкт танилцаж, улмаар дотносож, удахгүй хуримаа хийхээр болсон гэнэ. Анхуушийн фэнүүд нь тэдэнд баяр хүргэсэн мессэж нисгэж байгаа сурагтай



Дашрамд дуулгахад, дуучин Анхууш тэргүүтэй D45 хамтлаг ирэх сард “Улаанбаатар палас”-ын задгай талбайд бие даасан тоглолтоо хийх гэж байна. Тус тоглолтод Клеменс Сэйнт оролцох аж.