”PLAYTIME-2014” амьд хөгжмийн наадам болоход 5 хоног үлдлээ

2014-06-18

Монгол Улсын нийслэл Улаанбаатар хот үүсч байгуулагдсаны 375 жилийн ойн хөтөлбөрийн хүрээнд "PLAYTIME-2014" амьд хөгжмийн наадам энэ жил “Найрсаг Улаанбаатар биднээс эхэлнэ!” уриан дор долоодугаар сарын 19, 20-нд Монгол шилтгээнд зохион байгуулагдах гэж байна.

Энэ жилийн "PLAYTIME-2014" наадам "VIP zone"-ыг анх удаа оролцогчдодоо санал болгож байгаа бөгөөд тус үйлчилгээгээр дамжуулан оролцогч залуус дэлхийн болон Монголын шилдэг амьд хөгжмийн уран бүтээлчидтэй танилцаж, тэдэнтэй хамт нэгэн оройг ая тухтай орчинд өнгөрүүлэх боломжтой. "VIP zone" тасалбарыг 2014 оны зургаадугаар сарын 23-ний өдрөөс Хай-Фай Рекордсын салбаруудаар 100.000₮ худалдаалах аж.

Харин наадмын тасалбар www.easyticket.mn, Хай-Фай Рекордсын салбаруудаар худалдаалагдаж байгаа бөгөөд долоодугаар сарын 9-ний дотор тасалбар худалдан авсан залуус нэг өдрийн тасалбарыг 30.000₮, хоёр өдрийн тасалбарыг 45.000₮, долоодугаар сарын 18-ны дотор тасалбар худалдан авсан залуус нэг өдрийн тасалбарыг 35.000₮, хоёр өдрийн тасалбарыг 55.000₮ авах боломжтой. Наадмын үеэр нэг өдрийн тасалбарыг 40.000₮, хоёр өдрийн тасалбарыг 60.000₮ худалдаалах болно. Мөн 1900-1199 утсаар үнэгүй хүргэх юм байна.

Дашрамд дурьдахад, PLAYTIME 2014 наадамд урилгаар 15 хамтлаг дуучин, 40 хамтлаг бүртгүүлснээс 30 хамтлаг шалгаруулалтанд оролцохоор болжээ.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.