Бритни Спирс өөрийн нэрийн дотуур хувцасаа гаргана

Дуучин Бритни Спирс одоо Лас-Вегаст аялан тоглолтоо хийж байгаа билээ. Тэгвэл энэ их ажлын хажуугаар дуучин бүсгүй тачаангуй, тансаг, биед эвтэй дотуур хувцас гаргахаар ажиллаж байгаа талаараа мэдэгджээ.



“The Intimate Britney Spears” нэртэй түүний нэрийн дотуур хувцас 9-р сарын 9-нд Нью-Йорк хотод нээлтээ хийнэ. Харин Европт 9-р сарын 26-наас зарагдах аж. “Бүсгүй хүн бүр дотуур хувцсаа өмсөөд өөртөө итгэлтэй, гоё байгаа гэж мэдрэх ёстой. Би нэрийн брэндээ та бүхэнд үзүүлэх өдрөө тэсэн ядан хүлээж байна. Би болон манай багийнхэн үнэхээр их ажилласан” гэжээ.



Дотуур хувцасны цуглуулгад нь ор хөнжлийн даавуу, хөхөвч, унтлагын хувцас, шорт, топ, кимоно багтах юм байна. Америкт 17- 79 долларын үнэтэй зарагдах бөгөөд тусгай интернэт дэлгүүрээс худалдан авч болох ажээ.