Барби хүүхэлдэй бүл нэмлээ

Охидуудын тоглох дуртай Барби хүүхэлдэйн гэр бүл шинэ гишүүнтэй болжээ. Түүний этгээд хувцаслалт, хар шил нь уншигч танд эрхгүй хэн нэгнийг санагдуулмаар бүтээгдсэн байна.

Алдарт Chanel брендийн загвар зохион бүтээгч 81 настай Карл Лагерфелд өөрийн нэрийн барби хүүхэлдэйг гаргасан байна. Цагаан үс, хар нүдний шилээр өөрийн стилийг бүрдүүлдэг. Түүний барби ч мөн тийм загвартайгаар худалдаанд гарчээ.

Карл өөрийгөө яг дуурайлган хийлгэсэн ч тус хүүхэлдэй нь эмэгтэй юм. Тэрээр Карл хүүхэлдэй гэх нэр өгсөн бөгөөд 999 ширхэг л үйлдвэрлэгдсэн байна. Нэг бүрийнх нь үнэ 200 ам доллараар зарагдах гэнэ.