Амьтад ч бас ижил хүйстнээ сонирхдог

Эрдэмтэд амьтад ч хүмүүсийн адилаар ижил хүйстнээ сонирхдог болохыг тогтоожээ. Удаан хугацааны туршид судалгаа явуулсны үндсэн дээр амьтад ижил хүйстнээ сонирхох тохиолдол байгааг олж мэджээ.


Зэрлэг хонь /хуц/. Энэ нь сүүн тэжээлтэн амьтдын дотроос ижил хүйстнээ хамгийн ихээр сонирхдог амьтан бөгөөд эр хонины 8% нь эмтэйгээ ижилсэн дасахаас илүү эр хүйстнээ сонгон ижилсдэг этгээд амьтан гэнэ. Ижил хүйстэн хуцнууд хоорондоо хээлтэхгүй ч амьдралынхаа туршид өөр өөрийн өвөрмөц арга барилаар хоёр биедээ эрхлэн наадаж амьдардаг байна.



Өмхий хүрэн. Евро - Ази болон Хойд Африкаар нутагладаг өмхий хүрэн нь ойрын төрлийн бус огт мэдэхгүй өөр төрлийн өмхий хүрэнтэйгээ ижилсэх бөгөөд гей өмхий хүрэн нь олон ажээ. Тэд нэг нэгэн дээрээ мордохоос гадна анусаараа хээлтдэг байна.



Хайрын хэлийг гарамгай эзэмшсэн гэдгээрээ алдартай Бонобочууд нь хүн төрөлхтөнтэй маш ойр төрлийн шимпанзе бөгөөд тэдний дунд лесби хосууд төрөх нь элбэг ажээ. Сексийн харилцааны 60% нь хоёр ба түүнээс дээш лесби нөхдийн хооронд өрнөдөг байна.



Хар хун. Австрали, Шинэ Зеландаар нутагладаг хар хунгуудын хувьд ижил хүйст эр хунгаа сонирхох үзэгдэл элбэг юм. Тэд бусдын үүрийг хулгайлж, өөр нэгэн эм хунтай харилцаа тогтоох ба түүгээр өндгөө даруулчихаад үүрнээсээ хөөдөг гэнэ. Фламинго шувууд ч бас ийм маягаар гей харилцаа тогтоодог ажээ.



Анааш.

Насаар залуу эр анаашнууд эмтэйгээ ижилсэхээсээ өмнө ижил хүйстэнтэйгээ хэсэг хугацаанд дотно байх нь түгээмэл гэнэ. Эрдэмтдийн үзэж байгаагаар энэ нь өөрт тохирох эм анаашаа олтол өөрийгөө тэрхүү амьдралд бэлдэж, туршлага хуримтлуулж байгаа алхам гэж үзсэн ба ижил хүйстэн анаашнуудын харилцаа хэлээ үнсэлцэх, хүзүүндээ массаж хийлцэх болон тэврэх, үнэрлэх зэргээр өрнөдөг байна. Эдгээрээс гадна ижил хүйстнээ сонирхох сексийн чиг хандлагатай бусад амьтдад заан, цөөвөр чоно, нугас, цох хорхой, гүрвэл, гахай, цагаан баавгай гээд маш олон амьтдыг нэрлэжээ.



Далайн гахай. Эрдэмтдийн олж тогтоосноор “Афалина дельфин” нь ижил хүйстнээ сонирхох нь түгээмэл бөгөөд гей дельфинүүд 17 жил хамтдаа ижилсэн дасдаг байна. Ихэнхи дельфинүүд бисексуал байх бөгөөд Амазон мөрнөөр нутагладаг дельфинүүд гурваас тавуулаа нийлж груп “секс” үйлдэх дуртай гэнэ. Секс бол тэдний хувьд зугаа төдий байдаг бөгөөд хүйс үл харгалзан биесдээ сээтэн хаяж, анусаараа болон бэлэг эрхтнээрээ шүргэлцэх зэргээр төрөл төрлөөр хээлтдэг гэнэ.



Арслан. Арслангийн эр ба эм хүйсийн аль аль нь ижил хүйстэнтэйгээ ижилсэн харилцаа тогтоох чадвартай бөгөөд эр хүйстнүүдийн харилцаа хэдэн өдөр л үргэлжилдэг байна. Эхэндээ биесээ үнэрлэж, энхрийлэн таалж нэгнээ мэдэрсэн хойно түрэмгий авир гаргах нь түгээмэл үйлдэл гэнэ. Эр арслангуудын 8% нь хоорондоо харилцаа тогтоодог бол эм арслангуудын дийлэнхи нь ийм харилцааг үүсгэдэг байна. Хэдийгээр энэ нь батлагдсан зүйл боловч байгаль дээр эм арслангуудын хамт байгаа дүр зураг маш ховор үзэгддэг ажээ.