Цагаан сорочкан цамцыг хэдэн янзаар өмсөж болох вэ?

Цагаан сорочкан цамц ямар ч хувцсыг илүү цэвэрхэн, дэгжин харагдуулах ид шидтэй. Францчуудын хэлдэгээр бол “шик” гэж байгаа юм. Элдэв бусын франц хүний бодлыг тоож хэлэлцэхгүй байсан ч ажил хэрэгч орчинд, эсвэл албан ёсны уулзалтанд цагаан сорочкагүйгээр амьдарна гэж байхгүй. Тийм дээ ч цагаан сорочка эмэгтэй хүнд заавал байх хэрэгтэй “басик” хувцаснуудын нэг. 

Цагаан сорочкан цамцны түүхээс :

• Английн Викториа хатан хааны үед буюу 1890-ээд оны үеэс эмэгтэйчүүдийн дунд цагаан өнгийн “shirt-waist” нэртэй цамц ихэд дэлгэрч эхэлсэн байгаа юм. Энэ цамц тухайн үеийн эрчүүдийн сорочкан захтай цамцнаас санаа авсан боловч бүсгүй хүний “эмэгтэйлэг” шинж чанарыг хадгалахын тулд бэлхүүс хэсгээрээ бариу байлаа.
• Дараагийн том шок 1920-оод оны үед болов. Коко Шанель эмэгтэйчүүдийг бие барьсан корсетноос салгаж сорочкан сул цамц, өмд, ноосон задгай энгэртэй цамцаар хувцасласан. Тэгээд л түүх өрнөдгөөрөө өрнөж, хоёр дайн, хорин жил үргэлжилсэн сексийн хувьсгалын дараа энэ цагаан цамц болон элдэв хүссэн юугаа ч эмэгтэй хүн өмсөж чадахаар болсон.