Орос солянка хийх жор

2015-10-13

Орц: /4 порц солянканы жор-Порцын тоог нэмэх бол орцыг үржүүлж бодоход болно/

- 450 гр үхрийн мах /нимгэн хэрчсэн/

- 2 жижиг зайдас

- 250 гр гахайн мах эсвэл хиам /нимгэн хэрчсэн/

- 2 лууван /дөрвөлжилж хэрчсэн/

- 1 сонгино /жижиглэж хэрчсэн/

- 1 цагаан лууван /дөрвөлжилж хэрчсэн/

- 1 даршилсан өргөст хэмх

- 1 хоолны халбага томатны соус

- 1 лааз нухашласан улаан лооль

- 1/2-1 литр ус

- 5 мөөг, хэрчсэн

- 1 хоолны халбага гурил

- 11 хар чидун жимс /хэрчсэн/

- Давс, перец

- 4 хоолны халбага цөцгий

- 2 хэрчим лимон

Хийх арга:

1. Хоолны саваа тослоно

2. Сонгиноо цагирган хэлбэрээр нимгэн хэрчээд 3-4 минут орчим шарна

3. Даршилсан өргөст хэмхээ урт нарийхан хэрчээд, сонгино дээрээ нэмнэ

4. Дээр нь томатны соусаа хийгээд 3-4 минут хутгаж шарна

5. Дээр нь махан бүтээгдэхүүнүүдээ хийж шарж байгаад, ус, томатны нухашаа хийж удаан чанагчинд 1 цаг орчим буцалгана. /Жирийн саванд 20-30 минут орчим буцалгахад болно/

5. Гаргахаасаа 5-10 минутын өмнө мөөг, оливоо хийгээд, гурил хийж өтгөрүүлнэ. Давс перецээр амтлана.

6. Таваглаад дээр нь цөцгий дусааж, хэрчим лимоноо тавиад бэлэн болно

Хоол хийх заавар бичлэг

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.