Амьд бурхан ээжийгээ хайрлаарай

Хүний амьдрал богинохон мэт авч хичнээн урт вэ. Өглөө бүрийн алтан нарыг тосоход хүнд хангалттай хичнээн урт хугацаа сар өдөр байна вэ?. Гээд бодхоор амьдрал дэндүү урт мэт авч эргэх амьдралын олон олон хоногуудад бид эргэн тойрноо, дотно бүхнээ хайраар, сэтгэлээр, амар амгалангаар баярлуулж нэг л чаддаг болов уу? Энэ орчлон дээр хүн болж бүрэлдэн тогтох тэр л мөчөөс дандаа хамт байдаг ижий гэдэг бурханы тухай ярьж байна.



Ээжийгээ бид хайрлаж чаддаг болов уу? Намайг жаахан байхад залуухан байсан ижий нэг л өдөр буурал сууж санчиганд нь хяруу унасан байх юм. Намайг жаахан байхад сайхан байсан ижий нэг өглөө харахад он жилүүдийн нугалаас магнайд нь сууж урт өдрүүдийн тоос харцанд нь буусан байх юм. Гэнэт ухаан орох шиг ээжээ би чинь таньдаа хайртай шүү гээд хэлчихмээр.... Гэлээ ч хайртай ганцхан ижийгээсээ үгээ харамлаад ажил төрөл амьдрал, өнөөдөр маргааш гээд л хутгалдах амьдралын тоостой өдрүүдтэй хамт ижийгээ мартан, эргэж очихоо мартан алсад явсан байх. Хорвоо дээр ач нэхдэггүй цөөхөн зүйл байдгийн нэг нь эхийн хайр элбэрэл юм гэнэ лээ. Ээж гэдэг бурханыг минь бурхан бидэнд өгчихөөд буцаагаад авчихдаг юм шүү дээ.


Амжиж бүгдээрээ ижийгээ баярлуулья, үгээ хүртэл хүргэж чадахгүй бүрэг монгол зангаа хаяаад зүгээр л очоод духан дээр нь ганцхан удаа үнсээрэй. Ээжээ хүү нь, охин нь таньдаа хайртай гэж хэлээрэй. Ээж нь баярланаа. Зуун өглөөний шүүдрийн усыг нийлүүлж цай чанаж өгсөн мэт баярлана. Зун намар өвөл хавар жилийн дөрвөн улирал чилтлээ хүүгээ хүлээгээгүй юм шиг баярлана. Ижийгээ нэг баярлуулаарай. Ижий чинь чиний төлөө урган мандах наранд цайныхаа дээжийг өргөдөг болохоор чи сайн яваа юм. Ижий чинь чиний төлөө сэтгэл зүрхээ зовинуулдаг болхоор чи зовохгүй яваа юм. Ижий чинь чиний төлөө өвлийн шөнийн уртад нойргүй хонон санаагаа зовоож байгаа учир чи бүтэн нойртой яваа юм. Ээжийгээ хайрлах сэтгэл таньд байвал аягалаад өгсөн цайгын хааяа ч болтугай ууж баярлуулж байгаарай.
Ээждээ хайртай хүн бүрт зориулав