Дэлхийн хамгийн их хөхний сүүтэй ээж
Америкийн иргэн Алисия Ричман (Alicia Richman) хамгийн их хөхний сүүтэй эмэгтэй болжээ. 28 насандаа тэрээр 400 литр орчим сүүг сайн дурын тусламжийн үйл ажиллагаанд хандивлаад байгаа гэнэ. Түүний найз, нөхөд танил хүмүүс нь Ричманыг “Сүүний үйлдвэр” хэмээн нэрлэдэг аж. Харин тэрээр саяхан хамгийн их хөхний сүүтэй эмэгтэйгээр Гиннессийн номд багтсан байна. Ингээд энэхүү тусч эмэгтэйн талаар сонирхоцгооё.
Бүх зүйл Алисия хүүтэй болсны дараа буюу ноднин жилээс эхэлсэн байна. Тэрээр эхлээд хүүгээ хооллож дараа нь хөхнийхөө сүүг сааж эхэлсэн аж. Ингээд Алисия түүний хөхөнд амархан сүү ордог болохыг ажиглажээ.
Алисия үргэлж л сүүгээ сааж, хүүдээ зориулан нөөшилж байсан байна. Харин нэг өдөр тэр хөргөгчөө нээтэл гэрийнх нь гурван хөргөгчний хөлдөөгч нь хөхний сүүгээр дүүрсэн болохыг харжээ. Нөхөр нь түүнийг сүүний үнээ хэмээн нэрлэн тоглох болсон байна. Алисия боломжтой бүх газар л (ажил, гэр, амралт, гадаа г.м) сүүгээ саадаг байжээ.
Хүүгээ хангалттай хооллож чадах юм байна гэдгээ мэдсэн тэрээр шинэхэн төрсөн сүүний дутагдалд орсон нялх хүүхдүүдэд туслахаар шийджээ. Ричман Техасын “Mothers’ Milk Bank” хэмээх сайн дурын тусламжийн байгууллагатай хамтран ажиллаж эхэлсэн байна. Энэхүү байгууллага нь дутуу төрсөн, өвчтэй, өнчин хүүхдүүдийг сүүн тэжээлээр хангаж өгдөг байна.
10 сарын дотор Ричманы саасан сүү 395 литр хүрсэн байна. Ингээд өөрийн сайхан сэтгэл, тусч зан, хөдөлмөрийнхөө үр дүнд тэрээр Гиннессийн амжилтын номд багтжээ.
Сэтгэгдэл:
Таны IP: (216.73.217.103)
АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
зочин
(202.21.111.141)
2015-09-24 11:59:58
Ийм сүүтэй хүмүүс зөндөө л байдаг ш дэ Харин монголд сүүгээ хүнд өгье гэхээр тэрийг нь аваад бусдад түгээгээд өгчих газар байдаггүйн байна лэ Хөхний сүүгээр өвчин халддаг гээд авах дургүй ч байдаг юм уу элэг муутай хүнд сайн гээд өгөхлөөр их уувал нялхарчихдаг гээд ихээр нь авдаггүйн байна лэ Тэгээд сүү их саахаар эх нь эрт цэвэршдэг гэсэн гээд ширгээх арга хэмжээ авсан Тэгээд ч барагдахгүй илүү гарсныг нь асгасан нь шулуухан байдаг юм байна лэ Хүүхнүүд сүүгүй гээл хуурай сүү хүүхэддээ өгөөл хамаг мөнгөө барж л харагддаг уул нь ийм хүмүүсээ шинжилгээнд хамруулаад ямар нэг өвчингүй бол сүүг нь аваад бусдад түгээдэг тиймэрхүү газар байвал өгөх хүн ч захаас аваад гарна дө
0
0
0
Хариулах
