Өнөөдөр Хүүхдийг зодож шийтгэдэггүй дэлхийн өдөр шүү!

04.30 Хүүхдийг зодож шийтгэхгүй өдөр жил бүрийн 04 сарын 30 ны өдөр болгохоор 2007 оноос их британийн хүүхдийг ивээх сангаас санаачилжээ.
Өнөөдөр буюу дөрөвдүгээр сарын 30-ныг НҮБ-ын хүүхдийн эрхийн конвенцэд нэгдсэн улс орнууд хүүхдийг зодож шийтгэхгүй байх дэлхийн өдрийг тэмдэглэн өнгөрүүлдэг юм. Энэ өдөр хүүхдийн эсрэг хүчирхийллийг нийгмээрээ үл тэвчих, хүүхдийн бие махбодь, сэтгэл санааны шийтгэлийг таслан зогсоохын чухлыг олон нийтэд хүлээн зөвшөөрүүлэх зорилготой аж. Анх АНУ-д 1998 оны дөрөвдүгээр сарын 30-ны өдрийг “Хүүхдийг зодож шийтгэхгүй байя!” уриан дор тэмдэглэн эхэлж, 2001 оноос бусад орнууд нэгдэн энэ өдрийг “Хүүхдээ зодож шийтгэхгүй байя! ” олон улсын өдөр болгон дэлхий нийтийн хэмжээнд үйл ажиллагаа зохион байгуулах болсон.

Энэ өдөр дэлхийн олон оронд эцэг эхчүүд хүүхэдтэйгээ хэрхэн харилцаж, тэднийг хэрхэн хүмүүжүүлж байгаа тухайгаа эрэгцүүлэн, хүүхэд хүмүүжүүлэх эерэг аргуудыг эрэлхийлэхийг хүн бүрт уриалдаг билээ. Хүүхдийг ивээх сангийн Олон улсын сүлжээ нь “Хүүхдийн бие махбодь, сэтгэл санааны эсрэг шийтгэлийг таслан зогсоох Дэлхийн санаачлага” хөдөлгөөний үйл ажиллагааг идэвхтэй дэмждэг. Тэд Их Британий Хүүхдийг ивээх сан идэвхтэй ажиллан 2008 оноос эхлэн “Хүүхдийг зодож шийтгэхгүй байх!” нөлөөллийн ажлууд зохион байгуулж Монгол улсад жил бүрийн энэ өдрийг тэмдэглэдэг уламжлал бий болгожээ.

Энэ өдөр түүхэнд

04.30 Дэлхийн ах дүү хотуудын өдөр
2011.04.30 Дэлхийн жааз хөгжмийн өдөр
1777.04.30 Математикийн хаан гэгдэх Карл Фрейдрих Гаус мэндэлжээ.
1789.04.30 АНУ-ын ерөнхийлөгч Ж.Вашингтон сонгуульд ялалт байгуулж тангараг өргөв
1838.04.30 Никарагуа төв Америкийн холбооноос гарч, тусгаар тогтнолоо зарлажээ.
1854.04.30 Бразильд анхны төмөр зам тавигдсан байна.    
1883.04.30 Чехийн нэрт зохиолч Ярослав Гашек мэндэлжээ
1901.04.30 АНУ-ын эдийн засагч нобелийн шагналт Сеймон Кузнец энэ өдөр төрсөн байна.
1902.04.30 Норвегийн хөлбөмбөгийн холбоо байгуулагдсан өдөр
1961.04.30 Кубын ерөнхий сайд Фидель Кастро Лениний энхтайвны шагнал хүртжээ.
1971.04.30 Москва хотын цирк энэ өдөр байгуулагджээ
1990.04.30 Европе Плюс радио станц мэдээллээ цацаж эхэлсэн байна.
1974.04.30 Оросын алдарт дуучин Андрей Губин төрсөн бол 1977 оны энэ өдөр мөн Оросын нэрт дуучин Ф.Киркоров энэ өдөр мэндэлжээ.