Зүүд ба зөн совин

Хүн бүхэл амьдралынхаа гуравны нэгийг унтаж өнгөрүүлдэг ба унтах хугацааны тавны нэгд нь зүүдэлдэг байна. Зүүд нь нууцлаг сонирхолтой зүйлээр хязгааргүй баялаг бөгөөд зүүдний нууцыг судлах нь орчин үеийн судалгааны томоохон орон зай юм.

Зүүд зүүдлэх нь хүн болгонд байдаг нэгэн төрлийн хачирхалтай үзэгдэл юм.

Эрт үеэс одоог хүртэл дорно өрнийн  бүх л соёлын үед зүүднйи тайлал нь оньсого хэвээр үлдсэн байдаг. Орчин үеийн соёл иргэншил хөгжихөөс өмнө хүмүүс зүүдийг ямар нэг зөн билгийн чиглүүлэгч эсвэл буг чөтгөрийн зүйл зэргээр үздэг байсан байна. Эртний хятадын зүүдний тайлалыг тайлбарласан үлгэр хэлбэрийн ардын аман зохиолууд маш ихээр уламжлагдан ирсэн байдаг бол энэ талаар эртнйи европын орнууд арай өөрөөр тайлбарласаар ирсэн байна. Эртний Грекийн философич “Сайн хүн сайхан зүүд зүүдлэж, муу хүн муухай зүүд зүүдэлдэггүй” гэдэгт итгэдэг байжээ.

Орчин үеийн сэтгэл судлаачийн үзэж байгаагаар эртний азийн болон европын улсуудын зүүдний талаархи тайлбар нь бүгд өрөөсгөл ойлголт их байдаг ба сайн  хүн ч бай, муу хүн ч бай бүг д зүүдэлдэг тэрчлэн амьтад ч мөн зүүдэлдэгийг судалгаагаар нотолсон байна. Амьтад зүүдлэх  үед нүдний хөдөлгөөн ихэсдэг бол хүнээс ялгаатай нь нойрноос сэрсний дараа зүүдээ санадаггүй байна.

Зүүд тайлаасаа болдог гэсэн үг байдаг тул зүүдийг амны бэлэг муутай хүнд хэлдэггүй. Унтахдаа “АОМ ЛАМА ЯДАМ ГОНЧИГСҮМ ЛА ЖАВ СҮ ЧИО” хэмээн гурван эрдэний залбирлыг хорин нэгэн удаа чин сүсгээр уривал муу зүгийн юмны хорлолд үл автахгүй байх болно.