Дэлхийн мисс тэмцээн энэ оны есдүгээр сард Индонезийн байгалийн үзэсгэлэн Бали аралд зохион байгуулагдана. Гэвч тус улсын исламын шашинтнууд тэмцээний зохион байгуулагчдад хандан хөтөлбөртөө өөрчлөлт оруулахыг шаарджээ.


Дэлхийн мисс тэмцээний удирдлагууд тэдний хүсэлтийг харгалзан усны хувцастай хэсгийг хасахаар болсон байна. Үүний оронд театрчилсан тоглолт зохион байгуулахаар болжээ. Усны хувцастай хэсэг нь уг тэмцээний чухал бүрдэл болдог.
Зүүн Өмнөд Азийн исламын шашинтай улсын эрх баригчид дэлхийн мисс тэмцээний удирдлагуудын шаардлагыг хүлээн авсан. Гэвч исламын шашны Улэма зөвлөлийнхөн эсэргүүцсэнээр шаардлагад эерэг хариу өгч чадаагүй аж.

Дэлхийн мисс тэмцээний зохион байгуулах хорооны төлөөлөгч Жулия Морлей “Бид хөтөлбөртөө өөрчлөлт оруулахаас өөр арга байсангүй. Усны хувцастай хэсгийг алгасах нь Индонезийн уламжлалт шашныг хүндэтгэж байгаа хэлбэр юм” гэжээ.

Өнгөрсөн онд дуучин Лэди Гага “Born this way ball” аялан тоглолтоо Индонезид зохион байгуулахаар төлөвлөсөн ч исламын шашинтнуудын эсэргүүцэлтэй тулгарсан тул цуцалсан билээ. Түүнийг исламистууд “Чөтгөр” хэмээн тодорхойлж байв.