Авъяасаа дэлхийд гайхуулж буй Болдбаатарын Уянга

Болдбаатарын Уянга нь Москвад төржээ. Тэрээр багаасаа Швейцарт өссөн бөгөөд одоо Америкийн шоу бизнесийг доргиож байгаа юм. Б.Уянга одоо Бостон хотод үндэсний Вокал болон орчин үеийн Pop, R&B урсгалаар мэргэшиж байгаа аж. Дуучин, хөгжмийн зохиолч Б.Уянга нь дуунуудынхаа үг, аяыг өөрөө зохиодог  байна.

Тэрээр хөгжмийн карьераа өсгөхийн тулд АНУ-д очин “Berklee” хөгжмийн коллежийг төгсчээ. Berklii коллеж нь дэлхийд дээгүүрт ордог бөгөөд Дэлхийд шуугиан тариад байгаа Солонгосын дуучин Psy, Passion Pit зэрэг алдартнууд төгсч байсан сургууль юм.

Түүний уран бүтээл эрс тэс хоёр урсгалыг нэгтгэдэгээрээ онцлог гэнэ. Азийн уянгалаг аялгуут Pock-ийн цэвэр энергитэй нийлүүлсэн. Түүний өвөрмөц хоолой нь уртын дуунаас Pop руу амархан шилжиж чадах аж.

Б.Уянга нь одоогоор “Song for a new world” хэмээх олон улсын хамтарсан уран бүтээл дээр ажиллаж байгаа бөгөөд Google Nexus мөн японы Disney Mickey mouse Club-д дуу дуулж байгаа юм.

Түүнчлэн өмнө нь Америкийн нэр хүндтэй Symphong Han болон Hatch Shell зэрэг газруудад дуулж байжээ. Мөн Blu Cantrell, Angelique Kidjo, Tselot Seyoum, Milo Coello, Arturo Cardelús гэх мэт алдарт уран бүтээлчидтэй хамтран ажиллаж байжээ.

Ямартай ч Америкийн шоу бизнесийг дорхиож яваа Монгол охин АНУ-д ажиллахаасаа өмнө Монголд Классик төгөлдөр хуурчаар сурчээ. Монголд уран бүтээл гаргаж байсан бөгөөд “Who you are” хэмээх дуундаа клип хүртэл хийлгэж байжээ.

 Авъяасаа дэлхийд гайхуулж, Монголынхоо нэрийг гаргаж яваа Болдбаатарын Уянга нь дуулахаас гадна хувиараа хөгжмийн багш, зурагчин хийдэг хөдөлмөрч охин. Тэрээр тун удахгүй “Ciber City” нэртэй анхны цомгоо сонсогч олныхоо хүртээх болгохоор бэлтгэж байгаа аж.
Мөн тэрээр дэлхийн өнцөг булан бүрт мянга мянган фенүүдтэй болжээ. Авъяаслаг, хөдөлмөрч Болдбаатарын Уянгадаа уран бүтээлийн өндөр амжилт хүсэе!






Фото эх үүсвэр: facebok / Ella Ekko
Түүний дуунуудыг дараах холбоосоор орж сонсоорой.      www.uyangamusic.com