ОХУ-ын нэрт тамирчин Елена Исинбаева сүүлчийн харайлтаа хийнэ

2013-08-13

ОХУ-ын Москва хотын “Лужник” цэнгэлдэх хүрээлэнд болж буй Хөнгөн атлетикийн дэлхийн аварга шалгаруулах тэмцээн дөрөв дэх өдрөө үргэлжиж байна. Өнөөдөр эмэгтэйчүүдийн тулгууртай харайлтын шигшээ уралдаан болох бөгөөд ОХУ-ын нэрт тамирчин Елена Исинбаева сүүлчийн харайлтаа хийнэ. Тулгууртай харайлтын шигшээд 12 тамирчин шалгараад байгаа бөгөөд Улаанбаатарын цагаар шөнийн 04:35-д эхэлнэ.

Олимпийн хоёр алт, нэг хүрэл, дэлхийн аваргын зургаан алт, тивийн аваргын медалиуд, дээр нь 28 удаа дэлхийн дээд амжилтыг шинэчлэн тогтоож, таван метр дээгүүр харайсан анхны эмэгтэй тамирчин болсон түүний хувьд спортын агуу амжилтаа өндөрлүүлж байна.

2009 оны наймдугаар сард Швейцарийн Цюрихт болсон Очир эрдэнийн лигийн тэмцээний үеэр тэр 5,06 метр дээгүүр харайснаар дэлхийн дээд амжилтыг шинэчилсэн. Энэ амжилт өдгөө ч дэлхийн шилдэг нь хэвээр.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.