”Зэрлэг цэцэгсийн хүлэмж” киноны зохиолыг жүжигчин Д.Ганцэцэг бичжээ

Жүжигчин У.Уранчимэг, Д.Ганцэцэг, А.Ганчимэг нар “Хувьсгал” продакшны дэлгэцийн анхны бүтээл болох “Зэрлэг цэцэгсийн хүлэмж” уран сайхны киноны талаар өнөөдөр мэдээлэл хийсэн юм. Энэ үеэр киноныхоо триллер, дууныхаа клипний нээлтийг хийв.

Харин уг киноны зохиолыг жүжигчин Д.Ганцэцэг бичиж, сонирхолтой, хурц үйл явдлыг тусгаснаар онцлог болсныг дуулгасан юм.

Зохиолгүйгээр кино бүтнэ гэж байхгүй. Тэгвэл хамгийн чухал үр үндсийг нь Д.Ганцэцэг бий болгож, мөн өөр дүр бүтээн хоёр үүрэг гүйцэтгэжээ.

Кино нь долоон дүртэй бөгөөд тав нь эмэгтэй аж. Өөрөөр хэлэл, уг бүтээлийн Жааханаагийн дүрд А.Ганчимэг, Сараад Д.Ганцэцэг, Цогзолмаад У.Уранчимэг, Яргуй болох гол дүрийн эмэгтэйд Үндэсний дуу, бүжгийн эрдмийн чуулганы гоцлол бүжигчин Бямбаа тогложээ.