“Тагнуулч аав” киноны дууг “MIXX” хамтлаг бүрэн бүрэлдэхүүнээрээ дуулжээ

Хошин урлагын мастерууд Хүрэлхүү, Эрдэнэзаан, Бат-Өлзий, Одончимэг, Бямбацогт нар өөрсдийн охид, хөвгүүдтэйгээ дүрийг нь бүтээж буй “Тагнуулч аав” уран сайхны кино тун удахгүй нээлтээ хийх гэж байгаа билээ. Үзэгчдэд шинэлэг бүхнийг мэдрүүлэх, сонирхолтой тус киноны дууг  “MIXX” хамтлаг дуулжээ.  “MIXX” хамтлаг анх байгуулагдсан бүрэн бүрэлдэхүүнээрээ  тус киноны  дууг дуулсан бөгөөд удахгүй дүрсжүүлэх юм байна.  Нэг гарал угсаатай ч салан тусгаарласан уран бүтээлчдийг нэгтгэсэн энэхүү дуу сонсогчдод таалагдана гэдэгт уран бүтээлчид итгэлтэй байгаа гэнэ.
 


Тус дууны үгийг Н.Нарангэрэл, аяыг ОХУ-ын Санктпетербург хотын Н.А.Римский Корсаковын нэрэмжит хөгжмийн Консерваторыг хөгжмийн зохиолчоор төгссөн Г.Баяраа гэх залуу зохиожээ. Йинхүү бид эргэн нэгдсэн “MIXX” хамтлагийн уран бүтээлийг тун удахгүй хүргэх болно.