Унтахад учир бий бүсгүйчүүдээ

Унтахдаа учиртайхан унтах хэрэгтэй шүү бүсгүйчүүдээ. Дээшээ харж унтах төдийлөн сайн биш. Учир нь гараа элгэн дээрээ тавьдгаас зүүдэлж булчин шөрмөс суларч тухтай амарч чаддаггүй. Өвдгөө нугалан хажуулдан унтах нь хийн хангамжийг сайжруулдаг. Унтах үедээ амаараа амьсгалах нь уушиг ходоодонд хүйтэн хий, тоос шороо нэвтрэн орж өвчин эмгэгт хүрэх үүд хаалгыг нээдэг байна. Түүнчлэн хөнжлөөр толгойгоо нөмөрч унтахгүй байх хэрэгтэй. Унтахын өмнө маш тайван байх, элдэв дэмий бодлыг толгойноосоо авч хаяж чадвал та тайван сайхан унтаж амарч чадна.

Мєн дараах зєвлєгєєг уншихад илvvдэхгvй шvv.
1. Унтлагын өрөө халуун ч биш, хүйтэн ч биш байх ёстой. 24 с байвал унтахад хамгийн тохиромжтой.
2. Шөнийн 12 цагаас өмнө унтахыг хичээ
3. Унтахаас 2 цагийн өмнөөс цай, кофе бүү уу, тамхи бүү тат. Өлсгөлөн ходоодтой унтаж болохгүй. Аяга бүлээн сүү уу, сүү триптофон агуулдаг тул сайхан унтуулна. Гэхдээ бүү хэтрүүл. Давсаг чинэрвэл таныг эрт сэрээнэ.

4. Шөнө унтахын өмнө байлдаантай, зодоонтой кино бүү үз, тархийг хэт өдөөдөг тул унтаж чадахгүй.
5. Орондоо бүү эргэж хөрвө. Хөдөлгөөн бүр тархинд “сэрүүн байна” гэсэн дохио илгээнэ. Хэрэв унтаж чадахгүй 30 минут болвол босч, ямар нэг юм хий, гэхдээ амгалан тайван байдлаа алдагдуулахгүйг хичээ. Унтах гэсэн дараагийн оролдлого илүү бүтэлтэй болох байх.
6. Нойрны эм унтуулдаггүй, харин нойртой төстэй ухамсартай байдалд оруулдаг гэдгийг санаж яв.

7. Унтахгүй байх гэж бүү ай, бүү сандар. Харин тав тухтай хэвт, булчингаа сулла гэж Нобелийн шагналт В.Р.Гесс зөвлөж байна. Та нэг тийшээ унаж алга болж байна гэж төсөөл. Ямар нэг таатай юм бод. Унтах цаг явсаар байна гэж бүү түгш.
8. Хүйтэн хөл, хурц гэрэл унтахад саад болдог.Иймээс та унтахын өмнө хөлөө бүлээн усанд дүр.