Хэвлэл мэдээллийн салбарын ”Урлагийн их наадам”-ын Гранпри болж өнгөрлөө

Монгол улсад үндэсний сэтгүүлзүйн салбар үүсч хөгжсөний 100-н жилийн ойн хүрээнд зохион байгуулагдсан “ХЭВЛЭЛ МЭДЭЭЛЛИЙН САЛБАРЫН УРЛАГИЙН ИХ НААДАМ”-ын эцсийн шалгаруулалт буюу шагнал гардуулах ёслолын ажиллагаа, гала тоглолт өчигдөр Нийслэлийн Улаанбаатар Чуулгын тайзнаа болж өнгөрлөө.



Наадмын шилдгийн шилдэг оролцогчид Болор цом, Мөнгөн шагнал, “Дархан нэхий” ХК-ны 300.000 мянган төгрөгний эрхийн бичгийг гардан авлаа.



Гала тоглолтонд урилгаар “Хурд” хамтлаг, МУГЖ Г.Хонгорзул, МУГЖ Т.Ариунаа, Поп дива С.Наран, МУСТА Б.Чинбат, “Sweetymotion” хамтлаг,  Uvertura хамтлаг, НУБЧ-ын "Хангарьд" найрал хөгжимчид хүрэлцэн ирж хүндэтгэл үзүүлэн оролцлоо.







Харин шүүгчдийн бүрэлдэхүүнд Монгол Улсын Урлагийн Гавъяат Зүтгэлтэн, Ардын Жүжигчин, УДЭТ-ын зөвлөх найруулагч Б.Мөнхдорж, Монгол Улсын Урлагийн Гавъяат Зүтгэлтэн, Улсын Филармонийн дарга Ч.Даваасүрэн, Монгол Улсын Урлагийн Гавъяат Зүтгэлтэн, ”Монгол Хөөмэй” холбооны тэргүүн А.Цэдэн-Иш, Монгол Улсын Соёлын Гавъяат Зүтгэлтэн, Cэтгүүлч, яруу найрагч, эрдэмтэн Ү.Хүрэлбаатар, Монгол Улсын Гавъяат Жүжигчин, Дуурь Бүжгийн Эрдмийн Театрын уран сайхны удирдагч А.Дашпэлжээ нар ажиллалаа.

  Уран уншлагын төрөлд:

Тэргүүн байр - “ETV” телевизийн нэвтрүүлэгч, редактор Я.Болорчимэг.
Дэдбайр - “Айст - Монголиа” телевизийн уран бүтээл эрхэлсэн орлогч захирал Т.Байгальмаа.
Гутгаар байр – МҮОН-ийн “Шинэ Монгол” чөлөөт радиогийн нэвтрүүлэгч А.Алтанхүү,
Тусгай байр - “Хэнтийн мэдээ” сонины сэтгүүлч Д.Бат-Эрдэнэ.

Хөгжмийн төрөлд:

Тэргүүн байр -“Соён гэгээрүүлэгч” телевизийн хөтлөгч, сэтгүүлч М.Амаржаргал.
Дэд байр - “Хэнтийн мэдээ” сонины түгээгч Д.Одгэрэл.
Гутгаар байр -“Өнөөдрийн ялалт” сонины хэвлэлийн эх бэлтгэгч Х.Данзанравжаа.
Тусгай байр -“Айст Монголиа” телевизийн орос хэл дээрх хөтөлбөрийн хөтлөгч Э.Мөнхбаяр.

Язгуур урлагийн төрөлд:

Тэргүүн байр -“Соён гэгээрүүлэгч” телевизийн хөтлөгч, сэтгүүлч М.Амаржаргал.
Дэд байр - “Хэнтийн мэдээ” сонины “Хамтлаг”
Гутгаар байр - “Улс төрийн тойм” сонины сэтгүүлч Л.Баатархүү.
Тусгай байр - “Монголын үнэн” сонины “Хамтлаг”
Тусгай байр -“Өнөөдрийн ялалт” сонины хэвлэлийн эх бэлтгэгч Х.Данзанравжаа.
Тусгай байр -“ТВ9” телевизийн нэвтрүүлэгч, редактор Гантуяа

Багийн мэндчилгээний төрөлд:

Тэргүүн байр - “Айст -Монголиа” телевизийн хамт олон
Дэд байр - “Зар мэдээ” сонины хамт олон
Гутгаар байр – “Хэнтийн мэдээ” сонины хамт олон

Бүжгийн төрөлд:

Тэргүүн байр - “Айст -Монголиа” телевизийн бүжгийн хамтлаг
Дэд байр - “Эмэгтэйчүүд.мн” сайтын сэтгүүлч Н.Сувд-Эрдэнэ
Гутгаар байр - “Тэнгэрлэг FM-103.6”-ын Ц.Эрдэнэ-Очир
Тусгай байр -“Айст -Монголиа”телевизийн сэтгүүлч Х.Дөлгөөн

Дууны төрөлд:

Тэргүүн байр – МҮОНР–ийн сэтгүүлч Г.Болор
Дэд байр-“Соён гэгээрүүлэгч телевиз”-ийн орчуулагч Ш.Цэнджав
Гутгаар байр - "ETV" телевизийн дууны найруулагч Ж.Бурмаа
Тусгай байр- “Business focus” сэтгүүлийн сэтгүүлч М.Мөнгөншагай
Тусгай байр- “Newsportal.mn” сайтын ахлах менежер А.Бямбабаатар
Тусгай байр- “Өнөөдрийн ялалт” сонины хэвлэлийн эх бэлтгэгч Х.Данзанравжаа нар тодорлоо.

Түүнчлэн хамтран зохион байгуулагчаар оролцсон Монголын сайтуудын холбоо “ХЭВЛЭЛ МЭДЭЭЛЛИЙН САЛБАРЫН УРЛАГИЙН ИХ НААДАМ”-д идэвхтэй оролцсон сайтуудын сэтгүүлч, хэвлэл мэдээллийн ажилтнуудыг "Цахим элч" одонгоор шагналаа.



Дашрамд дурьдахад Сэтгүүлчдийн сүлд дуу болох "Бид үнэний дуу хоолой" дууг Sweetymotion болон хөгжмийн зохиолч, продюсер Б.Чинбат нар гала тоглолтон дээр анх удаа дууллаа.