Бодибилдинг фитнессийн ДАШТ-ээс медаль хүртсэн Монголын анхны тамирчин Б.Оюунгэрэл боллоо

2013-11-18

Унгарын нийслэл Будапешт хотноо бодибилдинг фитнессийн насанд хүрэгчдийн дэлхийн аварга шалгаруулах тэмцээн энэ сарын 15-17-нд амжилттай болж өндөрлөлөө. Тус тэмцээний эмэгтэй модель ангилалд өрсөлдсөн ОУХМ Б.Оюунгэрэл хүрэл медаль хүртжээ.

Түүний оролцсон төрөлд 43 орны 390 гаруй тамирчин өрсөлдсөн байна. Б.Оюунгэрэл бодибилдинг фитнессийн ДАШТ-ээс медаль хүртсэн Монголын анхны тамирчин болж байгаа нь энэ юм.

Сонирхуулахад Б.Оюунгэрэл өнгөрсөн наймдугаар сард Вьетнамд болсон Азийн аварга шалгаруулах тэмцээний модель ангилалд өрсөлдөн хүрэл медаль хүртэж байлаа.

Сэтгэгдэл:

Таны IP: (216.73.217.103)

АНХААРУУЛГА: Уншигчдын бичсэн сэтгэгдэлд emegteichuud.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.