26 дахь удаагийн “Гоёл-2014” наадам энэ сарын 30-нд болно

“Монголын дизайнеруудын холбоо”, “Шилмэл загвар” компаниас зохион байгуулж буй 26 дахь удаагийн “Гоёл-2014” наадам энэ сарын 30-нд болно. Уламжлал ёсоор наадамд оролцож буй дизайнер, загварын компаниуд 26-28-нд “Blue sky”-д загвараа танилцуулах юм. “Дархан минж”, “Master shoes”, “Bess tailor”, “Lux cashmere”, “Мон үйл”, дизайнер Нармандах, Долгормаа нар 26-нд загвараа танилцуулах бол 27-нд “Говь-Эрдэнэ” компани, “Тогтуухай” хүүхдийн коллекц, дизайнер Цоггэрэл, Бадрах, Түвшинзаяа, Дөлгөөн нар бүтээлээ толилуулах ажээ.

Харин 28-нд “Шилмэл загвар” компани, “Moda&Art”, “Орчиг” компани, “Андууд” загварын хамтлаг, дизайнер Ундраа, Мөнгөнцэцэг, Нэргүй, Энхболд, Ганчимэг нарын загварыг үзүүлэх юм байна. Наадмын шилдгүүдийг шалгаруулах гала тоглолт 30-нд Соёлын төв өргөөнд болно. Наадамд “Монгол модель”, “Шилмэл загвар”, “Эра төв”, “Азийн модель” агентлагийн 70 гаруй загвар өмсөгч оролцох ажээ.