4 ихэр төрүүлсэн гайхалтай ээж н.Хандсүрэнд баяр хүргэе!

Бүсгүйчүүддээ сайхан мэдээ дуулгая. Өнөөдөр Эх нялхсын Эрдэм шинжилгээний төвд дөрвөн ихэр хүүхэд хорвоод мэндэллээ. Ихрүүд өнөө өглөө төрсөн бөгөөд ихрүүдийн гурав нь охин нэг нь хүү юм байна. Эх хүүхдүүдийн биеийн байдал сайн байгаа талаар эх сурвалжууд мэдээлж байгаа юм. Ихрүүдийн ээжийг н.Хандсүрэн аавыг н.Баттулга гэдэг бөгөөд тэд  Сэлэнгэ аймгийн харьяат ажээ. Хосууд ихрийн удамтай бөгөөд дөрвөн ихэр хүүхэдтэй болсондоо хязгааргүй баяртай байгаа гэнэ.



Сонирхуулахад, Монгол улсад олон ихэр төрүүлсэн тохиолдол цөөнгүй байдаг аж. Харин статистик мэдээнээс үзэхэд 4 ихэр 3 жилд нэг удаа, 1 жилд дунджаар 3 ихэр 7 (голдуу хөдөө орон нутагт), 2 ихэр 650-700 төрдөг байна.

Ингээд ихрүүдийг эсэн мэнд төрүүлсэн гайхалтай ээж н.Хандсүрэн болон гэр бүлийнхэнд нь уншигч бүсгүйчүүдийнхээ өмнөөс баяр хүргэе!