Олон Улсын манлайллын хөтөлбөрт монгол эмэгтэй сонгогдлоо

АНУ-ын Төрийн Департаментын Боловсрол болон соёлын асуудал эрхэлсэн газраас зохион байгуулдаг Олон улсын төлөөлөгчдийн манлайллын хөтөлбөрт Хүний эрхийн Үндэсний Комиссын гишүүн П.Оюунчимэгийн нэрийг АНУ-аас Монгол Улсад суугаа Элчин Сайдын Яамнаас дэвшүүлсэн бөгөөд комиссын гишүүн нь тус хөтөлбөрт хамрагдахаар сонгогдлоо.

Тус хөтөлбөрийн хүрээнд өнгөрсөн сарын 27-ноос энэ сарын 14-ний өдөр хүртэл АНУ-ын нийслэл Вашингтон Д.С, Нью Йорк, Жиоржиа, Техас болон Калифорниа зэрэг 5 мужаар айлчлан, АНУ-ын Төрийн Департамент, АНУ-ын Шүүх Яам, АНУ-ын Төлөөлөгчдийн танхимын Хүний эрхийн Комисс болон хүний эрхийн чиглэлээр үйл ажиллагаа явуулдаг бусад төрийн бус байгууллагууд, хууль зүйн их сургуулиуд дээр очиж, үйл ажиллагаатай нь танилцаж, харилцан туршлага солилцох юм.