Илүүдэл үсийг бүрэн арилгах ”Лазер эмчилгээ” хэрхэн явагддаг вэ?

 Анхаарлаа хандуулна уу...Бүсгүйчүүдээ?

Лазерын эмчилгээгээр урьд нь боломжгүй мэт санагдаж байсан гоо сайхны заслыг хийдэг болсон. Гэхдээ бүр бүгдийг хийж, бүтээж чаддаг болсон гэж ойлгож хараахан болохгүй. Хэдийгээр техник технологи хөгжсөөр байгаа ч гэсэн боломжгүй зүйл байсаар байна. Хэрвээ та лазерын эмчилгээнд орох гэж байгаа бол тухайн эмнэлэг, эмч, гоо засалч нар мэргэжлийн шаардлага хангахаар хүмүүс эсэхийг эхлээд сайн судалж мэдэж авах хэрэгтэй. Мөн тэд тухайн эмчилгээ засалд хэрэглэж болох багаж хэрэгсэл хэрэглэж байгааг сайтар анзаарах хэрэгтэй.

Лазерын эмчилгээний хамгийн эрсдэл багатай, үйлчилгээ найдвартай төрөл нь лазераар үс хусах юм

  Үсний эд эсэд багтах меланин лазерын туяанд халж тэлснээр үс ургах явц зогсдог. Хэрвээ эмэгтэй хүний үс эрүүл бол хүсээгүй үснээсээ 4-8 удаагийн үйлчилгээний дараа бүрэн ангижрах боломжтой. Хэрвээ эмэгтэй гирсутизмтэй /хөмсөг хэт их ургах, сахал ургах/ 6-10 удаа үйлчилгээнд орохын зэрэгцээ жилдээ нэг удаа дэмжих эмчилгээнд орох хэрэгтэй.
Үс хусагч лазерын үйлчилгээнд 18 мм-ийн голчтой александрийн лазерын туяаг ашиглах нь хамгийн үр өгөөж сайтай бас аюулгүй байж чаддаг. Хэрвээ та лазерын эмчилгээнд орох гэж байгаа бол туяагаар шарах явцад ямар ч өвчин мэдрэгдэхгүй ёсгүйг сайн ойлгож аваарай. Хэрвээ бага ч гэсэн зовиур мэдрэгдэж байвал эмчилгээ хийж буй байгууллага багаж хэрэгсэлдээ арьсыг сэрүүцүүлэх багаж хэрэглэлгүй горим зөрчиж байсан гэсэн үг.



Давуу тал: Бритва юм уу өвдөн өвдөн байж үсээ хусах тухай бүрэн мартуулна. Гирсутизмтэй хүмүүсийн хувьд ганц аврал нь лазераар үс хусах гэж ойлгож болно.

Дутагдалтай тал: Арьс нь их хуурайшдаг хүмүүст сөрөг үр дагавар үзүүлэх магадлалтай.
Илүүдэл үс ихтэй арьсыг лазераар шарах үед арьсны нөсөөнд шингэсэн туяаны энерги халуун энергээр солигдох ба тус халуун нь илүүдэл үсний уутыг устгадаг.

Хамгийн гол нь: Бүсгүйчүүд минь чанартай газар хийлгэх хэрэгтэй. Ингэхийн тулд гоо сайхны газруудыг судалж тухайн эмчилгээнд орж буй ямар нэгэн үйлчлүүлэгчтэй холбоо тогтоож эхнээс нь дуустал сайн ажиглаж үр дүнг нь харах хэрэгтэй. Үүний дараа та яахаа шийдээрэй...Үнэ өртөгийн хувьд хэт хямд зүйл чанаргүй байдаг. Харин хэт өндөр үнэтэй бол чанартай байх магадлал их хэдий ч тухайн газар худал үнэ хөөрөгдөж болохыг анхаарах хэрэгтэй. Хамгийн гол бусдаас асууж судалж мэдэх хэрэгтэй шүү бүсгүйчүүдээ!