Хамгийн сайхан сэтгэлтэй улсаар АНУ тодорлоо

Эдийн засгийн хамтын нөхөрлөл, хөгжлийн байгууллагаас аль улсын иргэд хамгийн нээлттэй, бусдад туслахад бэлэн байдгийг тогтоох зорилгоор нэгэн судалгаа явуулсан байна. Эрдэмтэд энэ судалгааг туршилтын журмаар явуулж, оролцогчид буяны үйлсэд материаллаг хандив үзүүлэхэд бэлэн байгаа эсэх, мөн сүүлийн нэг сарын хугацаанд бусдад хэрхэн яаж туслаж байсныг гол үзүүлэлт болгон авчээ.

Жишээ нь, асрах хүнгүй ганц бие хөгшчүүлд дэлгүүрээс хоол хүнс цуглуулж өгөх, хараагүй хүнд зам гарахад нь туслах, хүүхдийг уншуулж сургах зэрэг нь том ачлалд тооцогддог байна.

Хүн ард нь хамгийн сайхан сэтгэлтэй улсаар АНУ, Ирланд, Австрали, Шинэ Зеланд, Их Британи тодорчээ. Харин Грект “ тусч хүмүүс “ хамгийн цөөн байдаг үзүүлэлт гарсан байна. Эрдэмтдийн тооцоолсноор энэ улсын хүн амын дөнгөж 13% нь хүнд байдалд орсон нэгэндээ тусламж үзүүлдэг гэнэ. Түүнчлэн Венгр, Турк, Эстон, Португал зэрэг орнуудад дунджаар 4 хүний нэг нь л бусдад тусалдаг байна.