Зуны улиралд арьсаа арчилах маск хийцгээе

Зуу зуун амин дэм агуулсан жимс жимсгэнэ, ногоо, ургамал нь хаврын улиралд арьсыг дээд зэргээр сэргээж өгдөг. Иймэрхүү байгалийн гаралтай зөөлөн маск нь зуны улиралд арьс арчлахад нэн тустай ба үхэжсэн эсийг арилгах, батга гарах, үрчлээ үүсэхээс хамгаалах болон бусад асуудлыг шийдхэд дөхөм. Энэ энгийн бас хямдхан нүүрний маск бэлтгэх аргыг мөрдөөд үзээрэй. Арьсыг ерөнхийдөө зөөлөн, натурал аргаар арчлах нь сөрөг нөлөө бага өндөр үр дүнтэй гэдгийг та нартаа дахин дахин сануулах нь зүйтэй байх.

Хэрэглэгдэх зүйлс: 5-6 ширхэг гүзээлзгэнэ, 3 цайны халбага алимны цуу

Гүзээлзгэнэ ба алимны цуутай нүүрний маск бэлтгэх арга:

5-6 ширхэг гүзээлзгэнээ нухаад 3 халбага алимны цуутайгаа хольж хутгана.Ингээд сайн цэвэрлэсэн арьсан дээрээ маскаа тараан тавьж 20 минут болгоод угаана. Энэхүү маск нь түргэн хугацаанд арьсны өнгийг сэргээж цэвэр сайхан царайтай болгоно.