Сүү тарагаар жингээ барих арга

 Бүсгүйчүүд маань эмэгтэйчүүдийн баяр гээд жингийн асуудалд орсон байх. Тэгвэл эмэгтэйчүүдийн цахим сэтгүүл нь бүсгүйчүүддээ эрүүл, зөв байдлаар хоолоо сойх арга хүргэж байна. Энэ дэглэмийг зургаан хоног барих ба хамгийн багаар бодоход хоёр кг, харин хамгийн ихдээ таван кг хасах юм.

 Энэ дэглэмийг долоо хоногийн эхний өдрөөс барьвал сайн учраас ирэх нэг дэхь өдөр бүсгүйчүүд маань дэглэмээ барьж өдөр өдрийнхөө амжилт, болсон үйл явдлынхаа талаар уншигчид болон сэтгүүлийнхэнтэйгээ хуваалцаж байвал зургаа хоног төвөггүйхэн өнгөрөх болно.

Нэг зүйлийг сануулан хэлэхэд, та дэглэм барихынхаа өмнө жингээ үзэж тэмдэглээрэй.



Нэг дэхь өдөр – 600 гр сүү ууна

Хоёр дахь өдөр – 450 гр тараг ууна

Гурав дахь өдөр – 6 ширхэг өндөг иднэ

Дөрөв дэхь өдөр – 200 гр үхрийн мах иднэ

Тав дахь өдөр – түүхий ногоо, салат иднэ

Зургаа дахь өдөр – төрөл бүрийн жимс иднэ.

Дээр дурьдаагүй л бол хичнээн калори багатай, эрүүл хүнс байлаа ч хориглоно. Харин энэ хооронд та хүссэн хэмжээгээрээ цэвэр ус  ууж болох юм.



Ингээд бүсгүйчүүддээ амжилт хүсье. Зургаахан хоног та өөрийнхөө төлөө амттанаас “үгүй” гэж зоригтой татгалзаж чадна гэдэгт итгэлтэй байна.