Бразилийн Ерөнхийлөгч Дильма Руссефийн гэмийг цайруулж топ модель Жизель Бундхен хөлбөмбөгийн ДАШТ-ий цомыг гардуулах уу?

Дэлхийн топ модель Victory secret-ийн сахиусан тэнгэрүүдийн нэг Жизель Бундхенд эх нутагт нь зохион байгуулж байгаа хөлбөмбөгийн ДАШТ-д тэргүүлж, дэлхийн аварга болсон багт цомыг нь гардуулан өгөх үүрэг ноогдсон тухай яригдаж эхэлжээ. Уламжлал ёсоор дэлхийн аваргын цомыг зохион байгуулагч улсын Ерөнхийлөгч юм уу ФИФА-гийн тэргүүн гардуулдаг. Гэвч Бразилийн Ерөнхийлөгч Дильма Руссеф хэтэрхий их мөнгөөр ДАШТ зохион байгуулсан гэдэг шүүмжлэлийг ард түмнээсээ хүлээж байгаа учраас нэр хүнд нь унасан байгаа аж.



Харин ФИФА-гийн тэргүүн Зепп Блатерын хувьд авлигын хэргээр мөн л нэр хүнд нь сэвтсэн учир Бразиль гаралтай гоо бүсгүй Жизель Бундхенээр цомоо хүргүүлэх нь нэрэнд цэвэр гэж үзжээ.  Хэрэв уг таамаглал үнэн бол ирэх сарын 13-нд Маракана цэнгэлдэх хүрээлэнд болох ДАШТ-ий хаалтын ёслолд Жизель Бундхен аваргуудын цомыг гардуулан өгөх нээ.